ଗାଇସିଲେଟ-ଗାଇସିଲେଟ ବ୍ଲକ ର ପଞ୍ଚାୟତ ସମିତି ମହାବିଦ୍ୟାଳୟ ଗାଇସିଲେଟରେ ଦୁଇଦିନ ବ୍ୟାପି ବାର୍ଷିକ କ୍ରିଡା ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ଡ.ଜୟକେତନ ତ୍ରିପାଠୀଙ୍କ ଦ୍ୱାରା ପତାକା ଉତ୍ତୋଳନ ହୋଇ କ୍ରିଡା ଉତ୍ସବ ଆରମ୍ଭ ହୋଇଥିଲା । ବହୁ ସଂଖ୍ୟାରେ ଛାତ୍ରଛାତ୍ରୀ ଖେଲାଳି ମନୋବୃତ୍ତିନେଇ ସମସ୍ତ ପ୍ରତିଯୋଗିତାରେ ଭାଗ ନେଇଥିଲେ । ସବୁଠାରୁ ଆକର୍ଷଣୀୟ ଥିଲା ଛାତ୍ରୀମାନଙ୍କର ୩୦୦୦ ମିଟର ଦୌଡ ପ୍ରତିଯୋଗିତା ଓ ମିଉଜିକ ଚେଆର । ଏହି ପ୍ରତିଯୋଗିତା ମହାବିଦ୍ୟାଳୟର ଖେଳ ଶିକ୍ଷକ ହେମନ୍ତ କୁମାର ପଣ୍ଡାଙ୍କ ପ୍ରତ୍ୟକ୍ଷ ତତ୍ୱାବଧାନରେ ସମସ୍ତ ଇଭେଣ୍ଡ ଗୁଡିକ ପରିଚାଲିତ ହୋଇଥିଲା ।
ମହାବିଦ୍ୟାଲୟର କ୍ରିଡା କମିଟିର ନାରାୟଣ ମିଶ୍ର,ବିଶ୍ୱନାଥ ସାହୁ,ଅରୁଣ ମୁନା,ଲକ୍ଷ୍ମିକାନ୍ତ ଷଡଙ୍ଗୀ,ଝରଣା ସାହୁ, ସଂଘମିତ୍ର ସାହୁ,ସୁନିଲ ପାଣିଗ୍ରାହୀ,ରାକ୍ଷି ମେହେର,ପ୍ରତିଭା ଦାଶ,ସୋନାଲିକା ସାହୁ ,ପୂର୍ଣ୍ଣିମା ହରିପାଲ,ବିଶ୍ୱନାଥ ବାଙ୍କ ଓ ସମସ୍ତ ଅଧ୍ୟାପକ ଓ ଅଧ୍ୟାପିକା ସାହାର୍ଯ୍ୟ କରିଥିବା ବେଲେ ଅଣ-ଶିକ୍ଷକ କର୍ମଚାରୀ ବୈରାଗି ସାହୁ,ଡୋଲାମଣି ବରିହା,ବିଶ୍ୱାମିତ୍ର ପଧାନ,ଦିପକ ଭୋଇ,କୁମୋଦିନି ବରିହାଙ୍କ ପୂର୍ଣ୍ଣ ସହଯୋଗ ସମସ୍ତଙ୍କ ମନଜିଣି ଥିଲା ।
ଉଦ୍ଯାପନୀ ସଭାରେ ଅଧ୍ୟକ୍ଷ ଓ ପ୍ରାଧ୍ୟାପକ ମାନଙ୍କ ଦ୍ୱାରା କୃତି ପ୍ରତିଯୋଗୀ ମାନଙ୍କୁ ମାନପତ୍ର ଓ ମେଡାଲ ପ୍ରଦାନ କରାଯାଇଥିଲା । +୨ ବର୍ଗର ଛାତ୍ର ବାବୁଲୁ ସାହୁ ଓ ଛାତ୍ରୀ ସୁସ୍ମିତା ଭୋଇ ଏବଂ +୩ ବର୍ଗର ଛାତ୍ର ରାହୁଲ ସେଠ ଓ ଛାତ୍ରୀ ମନୋରମା ଗହିର ଚମ୍ପିଆନ ଘୋଷିତ ହୋଇଥିଲେ । ଶେଷରେ ଅଧ୍ୟାପକ ମାନସ କୁମାର ଦାଶ ଧନ୍ୟବାଦ ଅର୍ପଣ କରିଥିଲେ ।
