ପାଟଣାଗଡ଼(ସନ୍ତୋଷ ପଣ୍ଡା)-ପାଟଣାଗଡ଼ ଥାନା ସାଲେପାଲି ପଞ୍ଚାୟତ ପୋଡ଼ଛାପର ଗ୍ରାମ ଛକ ନିକଟରେ ଭାରସାମ୍ୟ ହରାଇ ମେଲୋଡ଼ି ପାର୍ଟି ଗାଡ଼ି ମିନିଟ୍ରକ ଭାରସାମ୍ୟ ହରାଇ ମୁଖ୍ୟ ରାସ୍ତା ଉପରେ ଥିବା ପୋଲ ଉପରେ ଚଢିଯାଇଥିଲା।ଫଳରେ ଗାଡ଼ିରେ ଥିବା ମେଲୋଡି ପାର୍ଟିର କଳାକାର ଅଳ୍ପକେ ବର୍ତ୍ତିଯାଇଛନ୍ତି।
ସୂଚନାନୁସାରେ ସୋମବାର ଭୋର ସକାଳ ୪ ଟା ୩୦ ମିନିଟ୍ ସମୟରେ କଳାହାଣ୍ଡି ଜିଲ୍ଲା ଉହେଲା ଅଞ୍ଚଳର ଏକ ମେଲୋଡି ଗାଡି ମିନିଟ୍ରକ (ଓଡି ୦୮ ୟୁ ୯୩୧୨) ପଦ୍ମପୁର ଅଞ୍ଚଳରେ ପୋଗ୍ରାମ ସାରି ଘରକୁ ଫେରୁଥିବା ବେଳେ ପାଟଣାଗଡ଼ ବେଲପଡା ମୁଖ୍ୟ ରାସ୍ତା ପୋଡ଼ଛାପର ଗ୍ରାମ ଛକ ନିକଟରେ ଭାରସାମ୍ୟ ହରାଇ ରାସ୍ତା କଡରେ ଥିବା ପୋଲ ଉପରକୁ ଚଢି ଯାଇଥିଲା।
ଗାଡିଟିର ଗୋଟିଏ ପାର୍ଶ୍ୱର ଚକ ଝୁଲିରହିଥିଲା ଫଳରେ ଏକ ବଡ଼ ଦୁର୍ଘଟଣାରୁ ବର୍ତ୍ତିଯାଇଥିଲା। ଗାଡ଼ିରେ ଥିବା ୨୩ ଜଣ କଳାକାର ଅଳ୍ପକେ ବର୍ତ୍ତିଯାଇଥିଲେ। ସମସ୍ତ କଳାକାର ସୁସ୍ଥ ଥିବା ଜଣାପଡିଛି।
