ପଦ୍ମପୁର-ପଦ୍ମପୁର ରାଜବୋଡାସମ୍ବର ଉଚ୍ଚ ବିଦ୍ୟାଳୟ ଖେଳ ପଡିଆ ଠାରେଟାଉନ କ୍ଳବ ପଦ୍ମପୁର ତରଫରୁ ଆୟୋଜିତ ପ୍ରଥମ ପଦ୍ମପୁର ପ୍ରିମିୟର ଲିଗର ଦ୍ଵିତୀୟ ଦିନ ଖେଳ ସମାପ୍ତ ହୋଇଯାଇଛି। ମୋଟ ଆଠ ଗୋଟି ଦଳ ଭିତରେ ଖେଳା ହେଉଥିବା ଏହି ପ୍ରିମିୟର ଲିଗ ତିନି ଦିନ ଧରି ହେଉଥିବା ଥିବା ବେଳେ ଦ୍ଵିତୀୟ ଦିନରେ ଟାଉନ କ୍ଳବର ସଭାପତି ପ୍ରିତେଶ କୁମାର ବହିଦାର ଏବଂ କ୍ଳବର ସମ୍ପାଦକ କୁନାଲ ପାଣିଗ୍ରାହୀ ଅତିଥି ଭାବରେ ଯୋଗ ଦେଇ ଅଞ୍ଚଳର ଖେଳାଳି ମାନେ ଏହି ପ୍ରକାର ଆୟୋଜନ ଦ୍ୱାରା ଉତ୍ସାହିତ ଏବଂ ନୂତନ ଖେଳାଳିଙ୍କୁ ଆକୃଷ୍ଟ କରିବାର ପ୍ରୟାସ ବୋଲି ଅତିଥି କହିଥିଲେ।
ତେବେ ଦ୍ଵିତୀୟ ଦିନରେ ମଧ୍ୟ ମୋଟ ଚାରୋଟି ଦଳ ଭିତରେ ଖେଳ ହୋଇଥିବା ବେଳେ ସମସ୍ତ ଛଅ ଗୋଟି ମ୍ୟାଚ ଲିଗ ମ୍ୟାଚ ଥିଲା। ତେବେ ରବିବାର ଦିନ ଦୁଇଟି ଯାକ ସେମିଫାଇନାଲ ଓ ଫାଇନାଲ ମ୍ୟାଚ ମଧ୍ୟ ତିନୋଟି ଯାକ ମ୍ୟାଚ ସେହି ଗୋଟିଏ ଦିନରେ ହିଁ ହେବାକୁ ଥିବା ବେଳେ ଦ୍ଵିତୀୟ ଦିନ ପରେ ଖେଳ ଜିତି ଏସ. ଏସ. ଏଭେଞ୍ଜର୍ସ ଦଳ ଓ ଏସ. ବି. ଏସ. ଏକ୍ସଆଇ ଦଳ ସେମିଫାଇନାଲକୁ ପ୍ରବେଶ କରିଛନ୍ତି। ତେବେ ସେମି ଫାଇନାଲରେ ପ୍ରବେଶ କରିଥିବା ସମସ୍ତ ଚାରୋଟି ଦଳ ଲିଗ ମ୍ୟାଚ ମାନଙ୍କରେ ଖୁବ ସୁନ୍ଦର ପ୍ରଦର୍ଶନ କରିଥିବା ବେଳେ ହେବାକୁ ଥିବା ଦୁଇଟି ଯାକ ସେମିଫାଇନାଲ ମ୍ୟାଚ ଏବଂ ଫାଇନାଲ ମ୍ୟାଚ ବେସ ରୋମାଞ୍ଚକର ହେବାକୁ ଥିବା କ୍ରୀଡା ପ୍ରେମୀଙ୍କ ମଧ୍ୟରେ ଚର୍ଚ୍ଚା ହେଉଛି।
