ପଦ୍ମପୁର- ପଦ୍ମପୁର ନିକଟସ୍ଥ ଗଡଭାଟି ଛକ ନିକଟରେ ଗୋଟିଏ ବାଇକ ସାଇକେଲ ଆରୋହୀଙ୍କୁ ଧକ୍କା ଦେବା ଫଳରେ ଘଟଣା ସ୍ଥଳରେ ସାଇକେଲ ଆରୋହୀଙ୍କ ମୃତ୍ଯୁ ହୋଇଥିବା ଜଣା ପଡିଛି ।ମିଳିଥିବା ସୂଚନା ଅନୁସାରେ ବୁବୁଡା ଗାଁ ର ୫୦ ବର୍ଷିୟ ବାବନ ବିଶି ସବୁଦିନ ପରି ରାଜମିସ୍ତ୍ରୀ କାମ କରି ପଦ୍ମପୁରରୁ ଘରକୁ ଫେରୁଥିଲେ ।
ପଛପଟୁ ଦ୍ରୁତ ଗତିରେ ଆସୁଥିବା ଗୋଟିଏ ବାଇକ ଯାହାର ନମ୍ବର ଓଡି ୩୧ କେ ୧୪୦୪ ,ବାବନକୁ ଧକ୍କା ଦେଇଥିଲା । ଘଟଣା ସ୍ଥଳରେ ହିଁ ସାଇକେଲ ଆରୋହୀଙ୍କ ପ୍ରାଣବାୟୁ ଛାଡି ଯାଇଥିଲା । ପଦ୍ମପୁର ପୋଲିସ ଘଟଣାସ୍ଥଳକୁ ପହଞ୍ଚି ଶବ ଜବତ କରି ବ୍ଯବଚ୍ଛେଦ ପାଇଁ ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ପଠାଇଛି । ବାଇକ ଆରୋହୀ ଫେରାର ରହିଥିବା ବେଳେ ପୋଲିସ ତଦନ୍ତ ଜାରି ରଖିଛି ।
