ଗାଇସିଲେଟ-ଗାଇସିଲେଟ ପଞ୍ଚାୟତ ସମିତି ମହାବିଦ୍ୟାଳୟ ରେ ୟୁଥ ରେଡକ୍ରସ ଆନୁକୁଲ୍ୟରେ ଭିଜିଲାନ୍ସ ସଚେତନତା ଦିବସ ପାଳିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ଡ. ଜୟକେତନ ତ୍ରିପାଠୀ ଙ୍କ ସଭାପତିତ୍ଵରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ଗାଇସିଲେଟ ତହସିଲଦାର ଶ୍ରୀଯୁକ୍ତ ଟିଟସ ମହାନନ୍ଦ, ସମ୍ମାନିତ ଅତିଥି ଭାବରେ ଆଇନଜୀବି ଶ୍ରୀଯୁକ୍ତ ପ୍ରବୀଣ କୁମାର ପାଣିଗ୍ରାହୀ ଯୋଗ ଦେଇ ଯୁବ ରେଡକ୍ରସ ର ପ୍ରତିଷ୍ଠାତା ହେନେରୀ ଡୋନାଲ୍ଡ ଙ୍କ ଫାଟୋରେ ମାଲ୍ୟାର୍ପଣ କରିଥିଲେ । ମହାବିଦ୍ୟାଳୟର ଛାତ୍ରୀ ରିଙ୍କି କଲେତ ଓ ଜୟନ୍ତୀ ସାହୁ ପ୍ରାରମ୍ଭିକ ସଙ୍ଗୀତଗାନ କରିଥିଲେ ।
ଯୁବ ରେଡକ୍ରସ କାଉନସିଲର ପ୍ରାଧ୍ୟାପକ ନାରାୟଣ ମିଶ୍ର ଅତିଥି ପରିଚୟ ପ୍ରଦାନ କରିଥିବା ବେଳେ, ହେମନ୍ତ କୁମାର ପଣ୍ଡା ସ୍ଵାଗତ ଭାଷଣ ଦେଇଥିଲେ । ମୁଖ୍ୟ ଅତିଥି ଓ ସମ୍ମାନିତ ଅତିଥି ତାଙ୍କର ବକ୍ତବ୍ୟରେ ଦୁର୍ନୀତି ନିବାରଣ ସଚେତନତା ଉପରେ ଗୁରୁତ୍ଵାରୋପ କରିଥିଲେ । ଅଧ୍ୟକ୍ଷଙ୍କ ବକ୍ତବ୍ୟରେ ଛାତ୍ରଛାତ୍ରୀ ମାନଙ୍କ କର୍ତ୍ତବ୍ୟନିଷ୍ଠା ପାଇଁ ଆହ୍ଵାନ ଦେଇଥିଲେ । ଶ୍ରୀମତୀ ପ୍ରତୀକ୍ଷା ଡନସେନା ଛାତ୍ରଛାତ୍ରୀ ମାନଙ୍କୁ ଶପଥପାଠ କରାଇବା ସଙ୍ଗେ ଧନ୍ୟବାଦ ଅର୍ପଣ କରିଥିଲେ ଓ ସଭାପତିଙ୍କ ଦ୍ଵାରା ସଭା ସାଙ୍ଗ କରଯାଇଥିଲା ।
