ସରକାର ତାଙ୍କର ପ୍ରତିଶ୍ରୁତି ଶୀଘ୍ର ପୁରଣ ନକଲେ ଆଗାମୀ ଦିନରେ ଜୋରଦାର ଆନ୍ଦୋଳନ ହେବ – ବିଧାୟିକା ବର୍ଷା ସିଂ ବରିହା ।
ଗନ୍ଧମାର୍ଦ୍ଦନ ଉପରେ ବିଜେପି ର ଲୋଲୁପ ଦୃଷ୍ଟି କୁ ବରଦାସ୍ତ କରାଯିବ ନାହିଁ – ଦେବେଶ ଆଚାର୍ଯ୍ୟ ।
ପଦ୍ମପୁର – ସରିଛି ସାଧାରଣ ନିର୍ବାଚନ । ରାଜ୍ୟରେ ସମ୍ପୂର୍ଣ୍ଣ ଭାବରେ ବଦଳି ଯାଇଛି ରାଜନୈତିକ ମାହୋଲ । ଏହା ସହିତ ବଦଳି ଯାଇଛି ବିଧାନସଭା ଭିତର ର ଦୃଶ୍ୟ । ସାଧାରଣ ନିର୍ବାଚନ ସମୟରେ କ୍ଷମତା କୁ ଆସିବା ଉଦେଶ୍ୟ ରେ ବିଜେପି ରାଜ୍ୟ ବାସୀ ଙ୍କୁ ଦେଇଥିବା ପ୍ରତିଶୃତି ସବୁ ଶୀଘ୍ର ପୁରଣ କରନ୍ତୁ ନଚେତ ତୀବ୍ର ଆନ୍ଦୋଳନ ହେବ ବୋଲି ଚେତାବନୀ ଦେଇଛନ୍ତି ପଦ୍ମପୁର ବିଧାୟିକା ଶ୍ରୀମତୀ ବର୍ଷା ସିଂ ବରିହା । ଆଜି ବିଜୁ ଜନତା ଦଳ ତରଫରୁ ପଦ୍ମପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଝାରବନ୍ଧ ବ୍ଲକ ତୁମୁରିପାଣି ରୁ ସଂକ୍ରି ଗ୍ରାମ ପର୍ଯନ୍ତ ଆୟୋଜିତ ଜନସମ୍ପର୍କ ପଦଯାତ୍ରା ଓ ପରେ ପରେ ସଂକ୍ରି ଠାରେ ଆୟୋଜିତ ସଭାରେ ନିଜର ଅଭିଭାଷଣ ରଖି କହିଥିଲେ ବିଧାୟିକା ।
ଏହା ସହିତ ସରକାର ଙ୍କର ବିଭିନ୍ନ ପ୍ରତିଶ୍ରୁତି ବଦ୍ଧ ଓ ଯୋଜନାକୁ ତୀବ୍ର ବିରୋଧ କରି ବିଧାୟିକା ସରକାର ଙ୍କୁ ଟାର୍ଗେଟ କରି କହିଥିଲେ ଯେ, ନିର୍ବାଚନ ସମୟରେ ଓଡିଶା ବାସୀ ଙ୍କୁ ଅନେକ ମନଲୋଭା ପ୍ରତିଶ୍ରୁତି ଦେଇ ପ୍ରଥମ ଥର ନିଜ ଦାମ ରେ ସରକାର ଗଠନ କରିବାରେ ସକ୍ଷମ ହୋଇଛି ଭାରତୀୟ ଜନତା ପାର୍ଟି । ଏବେ ସମୟ ନିର୍ବାଚନ ପ୍ରଚାର ସମୟରେ ରାଜ୍ୟବାସୀ ଙ୍କୁ ଦେଇଥିବା ପ୍ରତିଶୃତି କୁ ଯଥା ଶୀଘ୍ର ପୁରଣ କରିବା ହେଲେ ରାଜ୍ୟ ସରକାର ବୋଧ ହୁଏ ନିଜର ସବୁ ପ୍ରତିଶୃତି ଭୁଲି ଗଲେଣି । ମୂଖ୍ୟତଃ ରାଜ୍ୟର ମହିଳା ମାନଙ୍କୁ ବିଜେପି ର ସମସ୍ତ କେନ୍ଦ୍ରୀୟ ନେତୃ ମଣ୍ଡଳୀ ପ୍ରତିଶୃତି ଦେଇଥିଲେ ଯେ ସୁଭଦ୍ରା ଯୋଜନା ରେ ଦୁଇ ବର୍ଷ ରେ ଦୁଇ ଗୋଟି କିସ୍ତି ରେ ୫୦ ହଜାର ଟଙ୍କା ପ୍ରଦାନ କରାଯିବ ।
ହେଲେ ବର୍ତମାନ ଏହି ଯୋଜନା ରେ ବାର୍ଷିକ ଦୁଇ ଗୋଟି କିସ୍ତି ରେ ମାତ୍ର ଦଶ ହଜାର ଟଙ୍କା ପ୍ରଦାନ କରାଯିବ ବୋଲି କୁହାଯାଉଛି। ଅର୍ଥାତ ଗୋଟିଏ କିସ୍ତି ରେ ମାତ୍ର ପାଞ୍ଚ ହଜାର । ତାହା ବି ଅର୍ଦ୍ଧାଧିକ ମାଁ ଓ ଭଉଣୀ ମାନେ ପାଇ ପାରିବେ ନାହିଁ । ଏହା ସହିତ ବରିଷ୍ଠ ନାଗରିକ ଓ ବିକଳାଙ୍ଗ ମାନଙ୍କ ଭତ୍ତା ତିନି ହଜାର ଟଙ୍କା କୁ ବୃଦ୍ଧି କରାଯିବ ବୋଲି ପ୍ରତିଶ୍ରୁତି ଦେଇ ତାଙ୍କ ଦଳ , ସରକାର ଗଠନ କରିବା ପରେ କହୁଛନ୍ତି ଯେ ୮୦ ବର୍ଷ ରୁ ଅଧିକ ହୋଇଥିଲେ ତିନି ହଜାର ଦିଆଯିବ । ଠିକ ସେହିପରି ପ୍ରତ୍ୟେକ ବିଦ୍ୟୁତ ସଂଯୋଗକାରୀ ଗ୍ରାହକ ଙ୍କ ପାଇଁ ଆମର ଦଳର ନେତା , ପୂର୍ବତନ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଘୋଷଣା କରିତବିଲେ ଯେ ଜୁନ ମାସରୁ ୧୦୦ ୟୁନିଟ ବିଜୁଳି ଛାଡ଼ କରାଯିବ । ଏଥିପାଇଁ ପ୍ରକ୍ରିୟା ଆରମ୍ଭ ମଧ୍ୟ ହୋଇ ଯାଇଥିଲା ।
ବିଜୁ ଜନତା ଦଳର ଏହି ପ୍ରତିଶୃତି କୁ ବିଜେପି ଅପହରଣ କରି ଭୋଟ ହାତେଇ କ୍ଷମତା ହାସଲ କରିବା ପାଇଁ ୩୦୦ ୟୁନିଟ ବିଜୁଳି ଫ୍ରି ଦିଆଯିବ ବୋଲି ଓଡିଶା ବାସୀଙ୍କୁ ପ୍ରତିଶୃତି ଦେଇଥିଲେ । ହେଲେ ଏହା ପାଣିର ଗାର ବୋଲି ଖୋଦ ଶକ୍ତି ମନ୍ତ୍ରୀ ଙ୍କର ବକ୍ତବ୍ୟ ରୁ ପ୍ରମାଣିତ ହୋଇ ସାରିଛି । ଆମ ରାଜ୍ୟ ବାସୀ ସରଳ ଓ ନିଷ୍କପଟ । ବିଜେପି ର ନେତା ଓ ମନ୍ତ୍ରୀ ମନେ ରାଜ୍ୟ ବାସୀ ଙ୍କୁ କେବଳ ଓ କେବଳ ମିଥ୍ୟା ପ୍ରତିଶୃତି ଦେଇ ଠକି ଚାଲିଛନ୍ତି । ବିଜେପି ସରକାର ଖୁବ ଶୀଘ୍ର ନିଜର ପ୍ରତିଶୃତି ରକ୍ଷା ନ କରି ଆଗାମୀ ଦିନରେ ଓଡିଶା ବାସୀ ରାଜରାସ୍ତା ରେ ବିଜେପି କୁ ଜବାବ ଦେବେ ବୋଲି ଚେତାବନୀ ଦେଇଛନ୍ତି ପଦ୍ମପୁର ବିଧାୟିକା ଶ୍ରୀମତୀ ବର୍ଷା ସିଂ ବରିହା ।
ବିଧାୟିକା ବର୍ଷା ସିଂ ବାରିହାଙ୍କ ନେତୃତ୍ୱରେ ଆୟୋଜିତ ଏହି ପଦ ଯାତ୍ରା ଓ ବିରାଟ ସଭାରେ ଝାରବନ୍ଧ ଅଞ୍ଚଳ ର ହଜାର ହଜାର ମାଁ ଭଉଣୀ ଙ୍କର ସମେତ ସାଧାରଣ ଜନତାଙ୍କର ଉପସ୍ଥିତି ବିଧାୟିକା ଙ୍କ ଲୋକପ୍ରିୟତା କୁ ସୂଚିତ କରୁଛି । ଏହି ପଦଯାତ୍ରାରେ ପଦ୍ମପୁର ବିଧାୟିକା ବର୍ଷା ସିଂ ବରିହା, ଅତାବିରା ପୂର୍ବତନ ବିଧାୟିକା ସ୍ନେହାଙ୍ଗିନୀ ଛୁରିଆ, ବରଗଡ଼ ପୂର୍ବତନ ବିଧାୟକ ଦେବେଶ ଆଚାର୍ଯ୍ୟ, ବରଗଡ଼ ଜିଲ୍ଲା ସଭାପତି ସୁଶାନ୍ତ ମହାପାତ୍ର, ରାଜୁ ଘିଭେଲା ପ୍ରମୁଖ ଉପସ୍ଥିତ ଥାଇ ନିଜର ମତ ରଖିଥିବା ବେଳେ ଝାରବନ୍ଧ ବିଜୁ ଜନତା ଦଳର ସଭାପତି ଶ୍ରୀ ଯତୀନ ହାତୀ , ପୂର୍ବତନ ବ୍ଲକ ଅଧ୍ୟକ୍ଷ ଶ୍ରୀ ବିଜୟ କୁମାର ପ୍ରଧାନ, ବରିଷ୍ଠ ନେତା ହୃଦାନନ୍ଦ ବାରିକ, ହୃଷୀକେଶ ବରିହା, ନନ୍ଦଲାଲ ମହାପାତ୍ର, ଡ଼ୋଲାମଣୀ ମାହାର, ଟାଇଲ୍ ଭୋଇ, ପାଇକମାଳ ପେକ୍ସ ସଭାପତି ବିଜୁ ସ୍ଵାଇଁ, ସମିତି ସଭ୍ୟ ସୁଶିଲ ମରେଇ, ସରପଞ୍ଚ ଲକ୍ଷେ ସିଂ ଥାପ୍ପା, ପ୍ରମୁଖ ସୁଚାରୁ ରୂପରେ ପରିଚାଳନା କରିଥିଲେ।
