ପଦ୍ମପୁର-ସୁଗନ୍ଧିତ ପୁଷ୍ପ ସମସ୍ତଙ୍କ ଆକୃଷ୍ଟ କରିଥାଏ। ସୁନ୍ଦର ପରିବେଶ ମନରେ ଶାନ୍ତି ଆଣି ଦେଇଥାଏ। ଏ ଭଲି ଏକ ମନ ଲୋଭା ପରିବେଶ ଦେଖିବାକୁ ମିଲିଛି ରାଜବୋଡାସମ୍ବର ବ୍ଲକ ଅନ୍ତର୍ଗତ ଖୁଜେନ ପ୍ରାଥମିକ ବିଦ୍ୟାଳୟରେ । ଏଠାକାର ଶିକ୍ଷକ ଶିକ୍ଷୟତ୍ରୀ ଓ ଛାତ୍ର ଛାତ୍ରୀଙ୍କ ଉଦ୍ୟମରେ ଗଢି ଉଠିଛି ଏକ ସୁନ୍ଦର ଫୁଲ ବଗିଚା । ଯାହାକି ବିଦ୍ୟାଳୟ ପରିବେଶର ସୌନ୍ଦର୍ଯ୍ୟ ବୃଦ୍ଧି କରିବା ସହ ଆକର୍ଷଣର କେନ୍ଦ୍ରବିନ୍ଦୁ ସାଜିଛି।
ବିଭିନ୍ନ ଋତୁକାଳୀନ ଫୁଲର ସମ୍ଭାର ବିଦ୍ୟାଳୟକୁ ଅତ୍ୟନ୍ତ ମନୋରମ କରୁଛି l ରଙ୍ଗ ବେରଙ୍ଗର ଫୁଲ ଫୁଟି ଛୋଟିଆ ପାର୍କ ଭଳିଆ ଦୃଶ୍ୟମାନ ହେଉଥିବା ସ୍କୁଲ ବଗିଚାକୁ ଦେଖି ଛାତ୍ର ଛାତ୍ରୀ ଓ ଶିକ୍ଷକ ଶିକ୍ଷୟତ୍ରୀ ଅତ୍ୟନ୍ତ ଆନନ୍ଦିତ ହେବା ସହ ନିତି ଦିନ ପାଣି ଦେଇ ଯତ୍ନ ନେଉଛନ୍ତି l ଏହି ସ୍କୁଲର ପରିବେଶ ନିଶ୍ଚୟ ଅନ୍ୟମାନଙ୍କୁ ପ୍ରେରଣା ଯୋଗାଇବ ବୋଲି ବିଦ୍ୟାଳୟର ଶିକ୍ଷୟତ୍ରୀ ସାବିତ୍ରୀ ଧରୁଆ ମତବ୍ୟକ୍ତ କରିଛନ୍ତି ।
