ବରପାଲି-ବରପାଲି ଅଞ୍ଚଳରେ ବିଜେପି ଦଳ ପକ୍ଷରୁ ଜିଲ୍ଲାସ୍ତରୀୟ ସଦସ୍ୟତା ଅଭିଯାନ ପରିପେକ୍ଷିରେ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କ ଦ୍ବାରା ଦଳିୟ ସଦସ୍ୟତା ଅଭିଯାନ ଉଦଘାଟିତ ହୋଇଯାଇଛି। ଶନିବାର ପୂର୍ବାହ୍ନରେ ବିଜେପୁର ବିଧାୟକ ସନତ ଗଡତିଆ, ବରଗଡ ସାଂସଦ ପ୍ରଦୀପ ପୁରୋହିତ, ପୁର୍ବତନ ସାସଂଦ ଡ.ପ୍ରଭାସ ସିଂ,ଦଳିୟ ଜିଲ୍ଲା ସଭାପତି,ନଗର ସଭାପତିଙ୍କ ସମେତ କର୍ମୀ ଓ ଯୁବ କର୍ମି ମାନଙ୍କ ଉପସ୍ଥିତିରେ ନୂତନ ସଦସ୍ୟତା ଗ୍ରହଣ ଅଭିଯାନ ଆରମ୍ଭ ହୋଇଥିଲା।
ବିଜେପୁର ବିଧାୟକ ସନତ ଗଡତିଆଙ୍କ ନେତୃତ୍ବରେ ଗାନ୍ଧିଛକରୁ ନେତୃମଣ୍ତଳିଙ୍କ ସମେତ କର୍ମି ମାନେ ଏକ ପଦଯାତ୍ରାରେ ବାହାରି ଜନ ସାଧାରଣଙ୍କ ସହ ସମ୍ପର୍କ ସ୍ଥାପନ ସହ ସଦସ୍ଯତା ଅଭିଯାନକୁ ଆଗେଇ ନେଇଥିଲେ। ପଦଯାତ୍ରାଟି ମାହାତ୍ମାଗାନ୍ଧୀ ଛକରୁ ବାହାରି ଶ୍ୟାମା ଛକ ପର୍ଯ୍ଯନ୍ତ କାର୍ଯ୍ଯକ୍ରମ ଜାରି ରଖାଯାଇଥିଲା।
ସଦସ୍ୟତା ଅଭିଯାନକୁ ସହର ଓ ବ୍ଲକ ଅଞ୍ଚଳର ଲୋକ ମାନଙ୍କ ସହ ଯୋଗାଯୋଗ ମାଧ୍ଯମରେ କର୍ମି ମାନେ ଦଳର ଭାବମୂର୍ତ୍ତି ମୂଳ ଉଦେଶ୍ଯ ଓ ଆଦର୍ଶ ସମ୍ବନ୍ଧରେ ବୁଝାଇବା ସହ ସଦସ୍ଯତା ଗ୍ରହଣ ପର୍ବକୁ ଜାରି ରଖିଥିଲେ। ଏହି ଅବସରରେ ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ସ୍ଥାନୀୟ ମାହାତ୍ମା ଗାନ୍ଧିଙ୍କ ପ୍ରତିମୂତ୍ତିରେ ପୁଷ୍ପମାଳ ଅର୍ପଣ ସହ ସାଧାରଣଙ୍କୁ ଶୁଭେଚ୍ଛା ଜଣାଇବା ସହ ସମ୍ବୋଧନ କରିଥିଲେ।
