ପଦ୍ମପୁର-ବସିଲା ଜନତାଙ୍କ ଦରବାର , ଆସିଲେ ନେତା ତାଗିଦ ହେଲେ ପ୍ରଶାସନିକ ଅଧିକାରୀ । ଏଭଲି ଏକ ଦୃଶ୍ୟ ଦେଖିବାକୁ ମିଲିଛି ପଦ୍ମପୁର ଉପଖଣ୍ଡ ଉପାନ୍ତ ଝାରବନ୍ଧ ବ୍ଳକ କୁର୍ଲୁପାଲି ଗାଁ ରେ । କୁର୍ଲୁପାଲି ଠାରେ ଭାରତୀୟ ଜନତା ପାର୍ଟି ତରଫରୁ ନୁଆଁଖାଇ ଭେଟ ଘାଟ କିାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ବରଗଡ ସାଂସଦ ପ୍ରଦୀପ ପୁରୋହିତ ପ୍ରଦୀପ ପୁରୋହିତ ମୁଖ୍ୟ ଅତିଥି ଭାବରେ ଏବଂ ସମ୍ମାନିତ ଅତିଥି ଭାବରେ ବିଧାୟକ ପ୍ରାର୍ଥି ଗୋବର୍ଦ୍ଧନ ଭୁଏ,ଯୁବନେତା ପ୍ରିତେଶ ବହିଦାର ଓ ଅନ୍ୟାନ୍ୟ ପଦାଧିକାରୀ ମାନେ ଉପସ୍ଥିତ ଥିଲେ ।
ହେଲେ ସାଂସଦଙ୍କ ଏକ ଭିନ୍ନରୂପ ଦେଖିବାକୁ ମିଲିଥିଲା । ସାଂସଦ ପୂର୍ବ ବିଜେଡି ସରକାରଙ୍କ ବିରୋଧରେ ଗର୍ଜିବା ସହ ପାଣ୍ଡିଆନଙ୍କ ଇସାରାରେ ଚାଲୁଥିବା ପ୍ରଶାସନିକ ଅଧିକାରୀ ମାନଙ୍କୁ ତାଗିଦ କରିଥିଲେ । ସରକାର ବଦଲିଛି ତୁମେ ମଧ୍ୟ ତୁମର ଆଚରଣ ସହ ଲୋକଙ୍କ ପ୍ରତି ବ୍ୟବହାର ବଦଲାଇ ଦିଅ ବୋଲି କହିଥିଲେ । ଏହା ସହ ସେଠାକୁ ବ୍ଲକ ପ୍ରଶାସନର ଜଣେ ଜେଇଙ୍କୁ ଡାକି ତାଙ୍କ ଅଧିନରେ ହୋଇଥିବା ୫ଟି କାମର କାଗଜାତ ଯଥାଶୀଘ୍ର ତାଙ୍କ ପାଖରେ ଦାଖଲ କରିବା ପାଇଁ କହିଥିଲେ ।
ଆଉ ଗୋଟିଏ ଜିନିଷ ଦେଖିବାକୁ ମିଲିଥିଲା କଂଗ୍ରେସ ସରକାରରୁ ଜନଦା ଦଳର ସରକାର ପରିବର୍ତନ ହୋଇଥିବା ସମୟରେ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକ ଯେଉଁଭଲି ପ୍ରଶାସନିକ ଅଧିକାରୀ ମନାଙ୍କ ଉପରେ ତଗିଦ କରିଥିଲେ ସେହି ଭଲି ଏଠାରେ ମଧ୍ୟ କରାଯିବ ବୋଲି କହିଥିଲେ । ଦେଖିବାକୁ ଗଲେ ପରୋକ୍ଷ ଭାବରେ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ କାର୍ଯ୍ୟକଳାପକୁ ପ୍ରଶଂସା କରିଥିଲେ ।
