ପଦ୍ମପୁର-ପଦ୍ମପୁର ଉପଖଣ୍ଡ ସର୍ଗିବାହାଲ ଗ୍ରାମରେ ଚଳିତ ବର୍ଷ କାଳୀପୂଜା ପାଇଁ ଲୋଚନ ବରିହାଙ୍କ ସଭାପତିତ୍ବରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଚଳିତ ବର୍ଷ ଅକ୍ଟୋବର ୩୦ ତାରିଖରୁ ନଭେମ୍ବର ୦୪ ତାରିଖ ପର୍ଯ୍ୟନ୍ତ କାଳୀପୂଜା ଓ ଶ୍ୟାମାଜ୍ୟୋତି ମହୋତ୍ସବ ପାଳନ କରିବା ପାଇଁ ସ୍ଥିର କରାଯାଇଛି ।
ପୂଜା ପରିଚାଳନା ପାଇଁ ସର୍ବସମ୍ମତି କ୍ରମେ ସଭାପତି ଭାବରେ ଚିତ୍ରସେନ ବେହେରା,ଉପ ସଭାପତି ଭରତ ମେହେର, ସମ୍ପାଦକ ରାଜୀବ ମେହେର, ସହସମ୍ପାଦକ ଛତ୍ରପତି ରଣା,କୋଷାଧ୍ୟକ୍ଷ ଚନ୍ଦ୍ରମଣି ସାହୁ ଏବଂ ସହ କୋଷାଧ୍ୟକ୍ଷ ଭାବରେ ରବି ବେହେରାଙ୍କୁ ମନୋନୀତ କରାଯାଇଥିଲା ।
ଚଳିତ ବର୍ଷ ଶ୍ୟାମାଜ୍ୟୋତି ମହୋତ୍ସବରେ ରାଜ୍ୟ ତଥା ରାଜ୍ୟ ବାହାରର ପ୍ରତିଷ୍ଠିତ ସାଂସ୍କୃତିକ ଦଳ ଯୋଗଦେବେ ବୋଲି କମିଟି ପକ୍ଷରୁ ସୂଚନା ମିଲିଛି । ସଭା ଶେଷରେ ଛାୟାକାନ୍ତ ମେହେର ଧନ୍ୟବାଦ ଅର୍ପଣ କରିଥିଲେ ।
