ପଦ୍ମପୁର-ସହରର ଅଗ୍ରଣୀ ଶିକ୍ଷାନୁଷ୍ଠାନ ‘ଜେନିଥ ଲାୟନ୍ସ ଗୁରୁକୁଲ’ ର ଦ୍ଵିତୀୟ ଶ୍ରେଣୀର ଛାତ୍ରଛାତ୍ରୀମାନଙ୍କ ଏକ ଶିକ୍ଷଣୀୟ କ୍ଷେତ୍ର ପରିଭ୍ରମଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଛାତ୍ରଛାତ୍ରୀମାନେ ଅଗ୍ନିଶମ କେନ୍ଦ୍ର, ହସ୍ତତନ୍ତ କାର୍ଯ୍ୟଶାଳା ଓ ଥାନା ପରିଭ୍ରମଣ କରିଥିଲେ । ପ୍ରତ୍ୟେକ ସ୍ଥାନରେ ଛାତ୍ରଛାତ୍ରୀ ଓ ଜେନିଥ କର୍ତ୍ତୃପକ୍ଷଙ୍କୁ ଅଧିକାରୀମାନେ ସ୍ଵାଗତ କରିବା ସହ ସେମାନଙ୍କ ଅନୁଷ୍ଠାନର କାର୍ଯ୍ୟ ପଦ୍ଧତି ସମ୍ପର୍କରେ ସବିଶେଷ ଧାରଣା ଦେଇଥିଲେ ।
ଏହି କାର୍ଯ୍ୟକ୍ରମରେ ଜେନିଥ ଶିକ୍ଷାନୁଷ୍ଠାନର ଅଧ୍ୟକ୍ଷ ଶ୍ରୀ ମନୋଜ କୁମାର ପଣ୍ଡା ଯୋଗ ଦେଇଥିଲେ । ସମସ୍ତ କାର୍ଯ୍ୟକ୍ରମ ଜେନିଥ ଜୁନିୟର ୱିଙ୍ଗ କୋ-ଅର୍ଡିନେଟର ଶୋଭନା ପଣ୍ଡା ଓ ତାଙ୍କ ସହକର୍ମୀମାନଙ୍କ ଦ୍ଵାରା ପରିଚାଳିତ ହୋଇଥିଲା । ଅଭିଭାବକ ମହଲରେ ଏହି ଶିକ୍ଷାପ୍ରଦ କ୍ଷେତ୍ର ପରିଭ୍ରମଣ କାର୍ଯ୍ୟକ୍ରମ ଉଚ୍ଚ ପ୍ରଶଂସିତ ହେଉଛି ।
