ପଦ୍ମପୁର – ପଦ୍ମପୁର ବିଗ୍ୟାପିତ ଅଞ୍ଚଳ ପରିଷଦ ତରଫରୁ ଆଜି ପଦ୍ମପୁର ରାଜାଜୀ ଟାଉନ ହଲ ଠାରେ ନିଖିଳ ଭାରତ ସ୍ୱାୟତ୍ତ ଶାସନ ଦିବସ ମହାସମାରୋହରେ ପାଲିତ ହୋଇଯାଇଛି । ଏନ ଏସି ଅଧ୍ୟାକ୍ଷା ସାବିତ୍ରୀ ବାଗ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭା ରେ ନିର୍ବାହୀ ଅଧିକାରୀ ରାମଚନ୍ଦ୍ର ମାଝୀ ସମସ୍ତଙ୍କୁ ସ୍ୱାଗତ ଜଣାଇଥିଲେ ।ମୁଖ୍ୟ ଅତିଥି ଭାବରେ ପଦ୍ମପୁର ଅତିରିକ୍ତ ଜିଲ୍ଲାପାଳ କୁନାଲ ମୋତିଲାଲ ଚଭନ ସମ୍ମାନୀତ ବକ୍ତା ଭାବରେ ଟିଟିଲାଗଡ଼ କଲେଜ ର ଅବସରପ୍ରାପ୍ତ ଅଧ୍ୟକ୍ଷ ଡ଼କ୍ଟର ଶିବ ପ୍ରସାଦ ବେହେରା ଯୋଗ ଦେଇ ସ୍ୱାୟତ୍ତ ଶାସନ ଦିବସ ସଂପର୍କରେ ଆଲୋକପାତ କରିଥିଲେ ।
ଆଗାମୀ ଦିନରେ ଏକ ବିକଶିତ ପଦ୍ମପୁର ଗଠନ କରିବା ସମସ୍ତଙ୍କ ଦାଇତ୍ୱ ବୋଲି କାଉନସିଲର ଚିନ୍ମୟ କୁମାର ପଣ୍ଡା, କୁନାଲ ପାଣିଗ୍ରାହୀ କହିଥିଲେ ।ଏହି ଅବସର ରେ ରାଜେଶ ଗୁର୍ଲା ଙ୍କ ସଂଯୋଜନା ରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ଓ ବିଭିନ୍ନ ପ୍ରତିଯୋଗିତାରେ କୃତି ମାନଙ୍କୁ ପୁରସ୍କୃତ କରାଯାଇଥିଲା । ଏନ ଏ ସି ସିଇଓ ସଂଘମିତ୍ରା ମିଶ୍ର ସଭାମଞ୍ଚ ପରିଚାଲନାଓ ଧନ୍ୟବାଦ ଅର୍ପଣ କରିଥିଲେ ।
ଏହା ପୂର୍ବରୁ ଏନଏସି ଅଧ୍ୟକ୍ଷା ଓ କର୍ମଚାରୀ ମାନଙ୍କ ଦ୍ୱାରା ସକାଳେ ବରପୁତ୍ର ମାନଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରାଯାଇଥିଲା ଓ ପଦ୍ମପୁର ଡାକ୍ତର ଖାନା ରେ ରୋଗୀ ମାନଙ୍କୁ ଫଳ ବଣ୍ଟନ ଓ ଛାତ୍ର ଛାତ୍ରଛାତ୍ରୀ ଙ୍କୁ ମିଷ୍ଠାନ୍ନ ବଣ୍ଟନ କରାଯାଇଥିଲା ।ସମସ୍ତ କାର୍ଯ୍ୟକ୍ରମ କୁ ଶୌମ୍ୟ ବଲ୍ଲଭ ମହାପାତ୍ର, ଦୁଶ୍ମନ୍ତ ବେହେରା,ଅବିନାଶ ବହିଦାର, ତପସ୍ପିନି ବରିହା, ଅଶୋକ କୁମାର ଭୋଇ ଓ ଅନ୍ୟ କର୍ମଚାରୀ ସହଯୋଗ କରିଥିଲେ ।
