ବରପାଲି-ବରପାଲି ଲିଟିଲ ଏଞ୍ଜେଲସ୍ ପବ୍ଲିକ୍ ସ୍କୁଲ୍ ପରିସରରେ ଜାତିୟ କ୍ରିଡା ଦିବସ ପାଳିତ ହୋଇଯାଇଛି। ଗୁରୁବାର ପୁର୍ବାହ୍ନରେ ବିଦ୍ୟାଳୟ ପ୍ରଶାସନିକ ଅଧିକାରୀ ମିନତି ପ୍ରଧାନଙ୍କ ଅଧ୍ୟକ୍ଷତାରେ କାର୍ଯ୍ଯକ୍ରମ ପରିଚାଳିତ ହୋଇଥିଲା। ଜାତୀୟ କ୍ରୀଡା ଦିବସ ପାଳନ ଅବସରରେ ଅଧ୍ୟକ୍ଷା ମଧୁସ୍ମିତା ମୁଣ୍ଡ , ଉପାଧ୍ୟକ୍ଷ ସୁଶୀଳ କୁମାର ରଥ ପ୍ରମୁଖ ଯୋଗ ଦେଇ ହକି ଖେଳର କିମ୍ବଦନ୍ତୀ ପୁରୁଷ ଧ୍ୟାନଚାନ୍ଦଙ୍କ ତୈଳଚିତ୍ର ନିକଟରେ ପ୍ରଦୀପ ପ୍ରଜ୍ଜ୍ୱଳନ ମାଧ୍ଯମରେ ଉଦଘାଟନ କରିଥିଲେ l ଛାତ୍ର ସାହିଲ କ୍ଷେତି, ଛାତ୍ରୀ ସିମ୍ରନ ମିର୍ଦ୍ଧା, ଇପ୍ସାନା ବାଗ ଧ୍ୟାନଚାନ୍ଦଙ୍କ ଜୀବନୀ ସଂପର୍କରେ ଆଲୋକପାତ କରିଥିଲେ । ଏହି ପରିପେକ୍ଷିରେ ବିଦ୍ୟାଳୟ ପରିସରରେ ଷଷ୍ଠ ଶ୍ରେଣୀରୁ ଦ୍ଵାଦଶ ଶ୍ରେଣୀ ଛାତ୍ରଛାତ୍ରୀ ମାନେ ଭାଗ ନେଇ ଉଭୟ ଇନ୍ ଡୋର ଓ ଆଉଟ୍ ଡୋର ଖେଳ ମାନ ଖେଳିଥିଲେ ।
ଇନ୍ଡୋର ଖେଳ ମଧ୍ୟରେ କ୍ୟାରମ, ଚେସ ଲୁଡୁ, ବେଲେନ୍ସ ରେସ, ରସି ଡିଆଁ ଏବଂ ଆଉଟ୍ ଡୋର ଗେମ ମଧ୍ୟରେ କ୍ରିକେଟ୍, କବାଡ଼ି, ଡୋଚ୍ କଲ, ବ୍ୟାଡମିଣ୍ଟନ ଏବଂ ଏହା ସହ କୋଅର୍ଡିନେସନ ଆକ୍ଟିଭିଟି ଆଦି ଖେଳ ଅନୁଷ୍ଠିତ ହୋଇଥିଲା l କାର୍ଯ୍ୟକ୍ରମରେ ଏନ୍ସିସି କ୍ୟାଡେଟ୍ ମାନଙ୍କ ସହ ଦିବ୍ୟାଙ୍ଗ ଓ ବିଦ୍ୟାଳୟ ୟୁନିଫାଏଡ୍ ପାର୍ଟନର ମାନଙ୍କୁ ନେଇ ବ୍ୟାଡମିଣ୍ଟନ ଓ ଭଲିବଲ ଖେଳ ମଧ୍ଯ ଅନୁଷ୍ଠିତ ହୋଇଥିଲା । ବିଦ୍ୟାଳୟ ପରିଚାଳନା ନିର୍ଦ୍ଦେଶିକା ସୁନିତା ମୁଣ୍ଡ ଖେଳାଳିମାନଙ୍କୁ ଶୁଭେଚ୍ଛା ଜ୍ଞାପନ ସହିତ ଉତ୍ସାହିତ କରିଥିଲେ । କାର୍ଯ୍ୟକ୍ରମ ପରିଚାଳନାରେ ଶିକ୍ଷକ ପୁରନ୍ଦର ସିଂହ, ସରୋଜ ପଧାନ ଓ ନିମାଇଁ ଥଇତଙ୍କ ସମେତ ଶିକ୍ଷକ ଶିକ୍ଷୟିତ୍ରୀ ଗଣ ସହଯୋଗ କରିଥିଲେ।
