ପଦ୍ମପୁର-ୱିନର ବ୍ରାଇଟ ଫ୍ଯୁଚର ସ୍କୁଲର ଦୁଇ ଦିନ ବ୍ଯାପି ଚାଲିଥିବା ବାର୍ଷିକ କ୍ରୀଡ଼ା ଉତ୍ସବ ଉଦଯାପିତ ହୋଇଯାଇଛି । ଅଞ୍ଚଳ ମହାବିଦ୍ଯାଳୟ ପଡ଼ିଆରେ ଅନୁଷ୍ଠିତ ଏହି ବାର୍ଷିକ କ୍ରୀଡ଼ା ଉତ୍ସବରେ ପ୍ଲେ କ୍ଲାସରୁ ଆରମ୍ଭ କରି ଦଶମ ଶ୍ରେଣୀ ପର୍ଯ୍ଯନ୍ତ ପିଲାମାନଙ୍କର ବିଭିନ୍ନ ଖେଳ ଯେପରି ଦୌଡ଼,ବେଙ୍ଗ ଡିଆଁ , ଅଖା ଦୌଡ଼, ଦୌଡ଼ି ଡିଆଁ , ବଲ୍ ରେସ୍ , ଧିମି ସାଇକଲ ରେସ ଇତ୍ଯାଦି ଅନୁଷ୍ଠିତ ହୋଇଥିଲା । ପ୍ରତି ଶ୍ରେଣୀର ମ୍ଯୁଜିକ୍ ଚେୟାର , ଅଭିଭାବକ , ସ୍କୁଲର ବିଭିନ୍ନ କର୍ମୀ ମାନଙ୍କର ମ୍ଯୁଜିକ୍ ମଧ୍ଯ ଖେଳା ଯାଇଥିଲା ।
ଶିକ୍ଷକମାନଙ୍କ ଟମାଟର ରେସ୍, ଛୁଞ୍ଚିସୁତା ଦୌଡ଼ କରାଯାଇଥିଲା । ସ୍କୁଲ ପରିସରରେ ଫ୍ଯାନ୍ସିଡ୍ରେସ ପ୍ରତିଯୋଗିତା ମଧ୍ଯ ଆୟୋଜନ କରାଯାଇଥିଲା । ଛୋଟ ଛୋଟ ପିଲାମାନଙ୍କ କୁନିକୁନି ପାଟିର ବଡ଼ବଡ଼ କଥା ଓ ଅଭିନୟରେ ମଞ୍ଚ ହସି ଉଠିଥିଲା । ଏହି ମହାନ ମଞ୍ଚର ବିଚାରକ ମଣ୍ଡଳି ଥିଲେ ଶ୍ରୀଯୁକ୍ତ ସନ୍ତୋଷ କୁମାର ମହାନ୍ତି , ଶ୍ରୀଯୁକ୍ତ ଗଜେନ୍ଦ୍ର ମହାନ୍ତି ଓ ଡ. ସୁଦିପ୍ତ ଦାସ | ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବରେ ଡ. ମନୋରଞ୍ଜନ ଦେବତା ଓ ଡ. ଅର୍ଜୁନ ଦେବତା ଯୋଗଦେଇଥିଲେ ।
ଜୀବନରେ ପାଠ ପଢା ସହ କ୍ରୀଡାର ଆବଶ୍ୟକତା ବିଷୟରେ ପିଲାମାନଙ୍କୁ ଅତିଥି ମାନେ ଉଦବୋଧନ ଦେଇଥିଲେ । ବିଭିନ୍ନ ପ୍ରତିଯୋଗିତାରେ କୃତିତ୍ବ ଛାତ୍ରଛାତ୍ରୀ ମାନଙ୍କୁ ଅତିଥିମାନେ ପୁରସ୍କୃତ କରିଥିଲେ । ବିଦ୍ୟାଳୟର ଅଧ୍ଯକ୍ଷା ଅପାଲି ଅପରାଜିତା ,ଚେୟାରମ୍ଯାନ୍ ଶ୍ରୀଯୁକ୍ତ ଶ୍ରୀକାନ୍ତ ମିଶ୍ର ଏହି କାର୍ଯ୍ଯକ୍ରମକୁ ପରିଚାଳନାରେ ସହଯୋଗ କରିଥିଲେ |
