ପଦ୍ମପୁର-ପଦ୍ମପୁର ୱିନର ବ୍ରାଇଟ୍ ଫୁ୍ୟଚର ସ୍କୁଲର ନୂଆ କ୍ୟାମ୍ପସ ଖୁଣ୍ଟପାଲିରେ ଉଦ୍ଘାଟିତ ହୋଇଛି । ଏହି ଉଦଘାଟନ ଉତ୍ସବରେ ଯୋଗଦେଇଥିବା ଅତିଥି, ଶିକ୍ଷକ, ଅଭିଭାବକ ,ଜେଜେ ବାପା,ଜେଜେ ମାଁ ମାନଙ୍କୁ ନେଇ ଖୁଣ୍ଟପାଲି ଗାଁର ମନ୍ଦିରରୁ ସ୍କୁଲ ପର୍ଯ୍ୟନ୍ତ ଏକ ଭବ୍ୟ ରାଲି ଅନୁଷ୍ଠିତ ହୋଇଥିଲା। ସେଠାରେ ବିଦ୍ୟାଳୟର ଚେୟାରମ୍ୟାନ ଶ୍ରୀଯୁକ୍ତ ଶ୍ରୀକାନ୍ତ ମିଶ୍ର , ଅଧ୍ୟକ୍ଷା ଶ୍ରୀମତୀ ଅପାଳି ଅପରାଜିତା ଦାସ ଏବଂ କୋଡିନେଟର ଶ୍ରୀମତୀ ନିବେଦିତା ଦାଶଙ୍କ ଦ୍ୱାରା ସ୍ୱଗତ କରିଥିଲେ । ଜେଜେ ବାପା,ଜେଜେ ମାଁ ଏବଂ ଅଭିଭାବକଙ୍କ ହାତରେ ସ୍କୁଲ ପରିସରରେ ବୃକ୍ଷ ରୋପଣ କରାଯାଇଥିଲା ।
ଅପର ପକ୍ଷରେ ୟୁକେଜି ପିଲାଙ୍କ ସ୍ନାତକ ଦିବସ ଆରମ୍ଭ ହୋଇ ଦୁଇ ରାଉଣ୍ଡ ପ୍ରଶ୍ନୋତର କାର୍ଯ୍ୟ କରାଯାଇଥିଲା । ପରେ ମିଷ୍ଠର ଆଣ୍ଡ ମିସ୍ ୱିନରଙ୍କୁ ବଛାଯାଇଥିଲା । ଦାଦା ଦାଦି ଜେଜେ ବାପା,ଜେଜେ ମାଁଙ୍କ ସହିତ ବିଭିନ୍ନ ପ୍ରକାର ଖେଳ କରାଯାଇ ଥିଲା । ମୁଖ୍ୟ ଅତିଥି ଅତିରିକ୍ତ ଜିଲ୍ଲାପାଳ ଶ୍ରୀଯୁକ୍ତ କୁଣାଲ ମୋତିରାମ ଚୌହାନ ,ସମ୍ମାନିତ ଅତିଥି ଓକିଲ ସଂଘ ସମ୍ପାଦକ ଶ୍ରୀଯୁକ୍ତ ଚିନ୍ମୟ କୁମାର ପଣ୍ଡା ,ଟ୍ରଷ୍ଟି ଶ୍ରୀମତୀ ସଂଯୁକ୍ତା ମିଶ୍ର , ଅତିଥି ଡ.ନିଶାନ୍ତ ଦେବତା ଯୋଗଦେଇଥିଲେ ।
ଅଧ୍ୟକ୍ଷା ଶ୍ରୀମତୀ ଅପାଲି ଅପରାଜିତା ଦାସ ଓ ଚେୟାରମ୍ୟାନ ଶ୍ରୀଯୁକ୍ତ ଶ୍ରୀକାନ୍ତ ମିଶ୍ରଙ୍କ ଅଧ୍ୟକ୍ଷତାରେ ମଂଚ ପରିଚାଳନା ହୋଇଥିଲା । ଅତିଥିଗଣ ଫିତାକାଟି ନୂତନ କ୍ୟାମ୍ପସର ଉଦଘାଟନ କରିବା ସହ ଅନୁଷ୍ଠାନର ଉତ୍ତୋରତର କାମନା କରିଥିଲେ । ଏହାସହ ଏହି ଅନୁଷ୍ଠାନ ଗ୍ରାମାଞ୍ଚଳର ପିଲାମାନଙ୍କ ଶିକ୍ଷାରେ ଆହୁରୀ ସହାୟକ ହେବ ବୋଲି ମତବ୍ୟକ୍ତ କରିଥିଲେ ।
