ପାଇକମାଲ- ପାଇକମାଲ ଜର୍ଜଗଡ ଇଲାଇଟ ସ୍ପୋର୍ଟିଙ୍ଗ କ୍ରିକେଟ କ୍ଳବ ଆନୁକୁଲ୍ୟରେ ୨୮ ତମ ଜର୍ଜଗଡ ଇଲାଇଟ ସ୍ପୋର୍ଟିଙ୍ଗ କ୍ରିକେଟ କପ ଉଦଘାଟିତ ହୋଇଯାଇଛି । ଆଇନଜୀବୀ ମନୋଜ କୁମାର ତ୍ରିବେଦୀ , ସମାଜସେବୀ ମୁଜାଫର ହୁସେନ ଓ ବିକାଶ ବହିଦାର ଯୋଗଦେଇ ଟୁର୍ଣ୍ଣାମେଣ୍ଟକୁ ଉଦଘାଟନ କରିଥିଲେ । ଅନ୍ୟମାନଙ୍କ ମଧ୍ଯରେ ସୁରଜ କୁମାର ପଣ୍ଡା,ବିରଞ୍ଚି ସୁନା,ସାହିଲ ସେଠ,ସଞ୍ଜୟ ଭୋଇ, ରିତେଶ ମଟାରୀ ପ୍ରମୁଖ ଉପସ୍ଥିତ ଥିଲେ ।
ଉଦଘାଟନୀ ମ୍ୟାଚ କେନ୍ଦୁଭଟା ଓ ଜର୍ଜଗଡ ମଧ୍ଯରେ ଅନୁଷ୍ଠିତ ହୋଇଥିଲା । ଚଳିତ ବର୍ଷ ଏହି ଟୁର୍ଣ୍ଣାମେଣ୍ଟରେ କୋଡ଼ିଏ ଗୋଟି ଦଳ ଅଂଶଗ୍ରହଣ କରିବେ । ବିଜେତା ଦଳଙ୍କୁ ୧୨୦୦୦ ନଗଦ ଅର୍ଥ ରାଶି ସହ ଟ୍ରଫି ଓ ଉପ ବିଜେତା ଦଳକୁ ୮୦୦୦ ନଗଦ ଅର୍ଥ ରାଶି ସହ ଟ୍ରଫି ପ୍ରଦାନ କରାଯିବ ବୋଲି ଆୟୋଜକ ସୂଚନା ଦେଇଛନ୍ତି ।
