ସୁବର୍ଣ୍ଣପୁର(ଶାନ୍ତନୁ କୁମାର କର୍ଣ୍ଣ)-ସୁବର୍ଣ୍ଣପୁର ଜିଲ୍ଲା କୋଟସମଲାଇ ସ୍ଥିତ ପ୍ରସିଦ୍ଧ ପାତାଳି ଶ୍ରୀକ୍ଷେତ୍ର ଠାରେ ୨୦ତମ ପାତାଳି ମହୋତ୍ସବ -୨୦୨୫ ପାଇଁ ଗତକାଲି କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଏଥିପାଇଁ ବୁଧବାର ସକାଳେ ଶତାଧିକ ମହିଳା କୋଟସମଲାଇ ଗ୍ରାମ ପୋଖରୀ ରୁ ଜଳପୂର୍ଣ୍ଣ କଳସି ଆଣି ପୂଜା ସ୍ଥଳୀରେ ସ୍ଥାପନ କରାଯାଇଥିଲା । ଅଧିବାସ ପରେ ଆଜିଠାରୁ ୫୬ ପ୍ରହରୀ ନାମ ଯଜ୍ଞ,ଭାଗବତ ସପ୍ତାହ ପାରାୟଣ, ଘୃତ ଯଜ୍ଞ ସହ ଶ୍ରୀ ଜଗନ୍ନାଥଙ୍କ ଦୁର୍ଲଭ ବେଶ ଅନୁଷ୍ଠିତ ହେବ।
ଏ ଅବସରରେ ପ୍ରତ୍ୟେକ ଦିନ ସଂଧ୍ୟାରେ ଧର୍ମସଭା ଓ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହେବ। ବିଶେଷ କରି ଆସନ୍ତା ୧ତାରିଖ ରେ ଶ୍ରୀଜଗନ୍ନାଥ ମହାପ୍ରଭୁଙ୍କ ପଦ୍ମ ମୁଖ ବେଶ ଅନୁଷ୍ଠିତ ହେବ ଓ ୬ତାରିଖ ରେ ପୂର୍ଣ୍ଣାହୁତି ହେବ। ପ୍ରତ୍ୟେକ ଦିନ ହଜାର ହଜାର ଶ୍ରଦ୍ଧାଳୁ ଙ୍କ ଜନସମାଗମକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ, ପୋଲିସ ପ୍ରଶାସନ ଓ ପାତାଳି ଶ୍ରୀକ୍ଷେତ୍ର ଟ୍ରଷ୍ଟ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।
