ପାଟଣାଗଡ଼-ଖପ୍ରାଖୋଲ ବ୍ଲକ ଭାନପୁର ପଞ୍ଚାୟତ ଚାବ୍ରିପଳି ଗାଁରେ ହାତୀ ଆତଙ୍କ । ଗାଁ ଭିତରକୁ ହାତୀ ପଶି ଗୋଟିଏ ପରିବାରର ଦୁଇ ଜଣଙ୍କୁ ଦଳି ଦେଇଛି । ସେମାନେ ହେଲେ ନୀଳାମ୍ବର ବରିହା ଓ ଜୟନ୍ତୀ ବରିହା । ରାତ୍ରି ପ୍ରାୟ ତିନିଟା ସମୟରେ ହାତୀ ଆସି ଘର ଭାଙ୍ଗି ଅଘଟଣ କରିଥିବା ସୂଚନାମିଲିଛି ।
ଦୁଇଟି ଜଂଗଲୀ ହାତୀ ଚାବ୍ରିପାଲି ଗାଁକୁ ପଶିଥିଲେ ନୀଳାମ୍ବର ବରିହା ଓ ତାଙ୍କ ସ୍ତ୍ରୀ ଜୟନ୍ତୀ ବରିହା ଗୋଟିଏ ଘରରେ ଶୋଇଥିବା ବେଳେ ହାତୀ ଘର ଭାଙ୍ଗି ଘରକୁ ପଶି ଚାଉଳ ପନିପରିବା ଖାଇବା ସହ ଦୁଇ ଜଣଙ୍କୁ ଘୋଷାଡି ଆଣି ଦଳି କରିଦେଇଥିଲା ।
ସେହି ଘରେ ତାଙ୍କ ପୁଅ ବୋହୁ ରହିଥାନ୍ତି କିନ୍ତୁ କାଲି ସେମାନେ ସେଠି ନ ରହି ଅଲଗା ଏକ କୋଠରୀରେ ଶୋଇଥିଲେ ତେଣୁ ସେମାନେ ହାତୀ ଅକ୍ରମଣରୁ ରକ୍ଷା ପାଇଛନ୍ତି ।
ହାତୀ ଆତଙ୍କ ବଲାଙ୍ଗୀର ଜିଲ୍ଲାରେ ମାତ୍ରାଧିକ ହେଉଥିବା ବେଳେ ହାତୀର ଶିକାରରେ ବହୁ ନିରୀହ ଲୋକଙ୍କ ଜୀବନ ଯାଉଛି । ଘଟଣା ସ୍ଥାନରେ ଖପ୍ରାଖୋଲ ଜଙ୍ଗଲ ବିଭାଗ ତଥା ଖପ୍ରାଖୋଲ ପୋଲିସ ପହଞ୍ଚି ତଦନ୍ତ ଜାରିରଖିଛି ।
