ଭୁବନେଶ୍ୱର – ପବିତ୍ର ଦୀପାବଳି ଅବସରରେ ‘ସ୍ୱୟଂସିଦ୍ଧା ଫାଉଣ୍ଡେସନ୍’ ପକ୍ଷରୁ ପ୍ରକାଶିତ ସାହିତ୍ୟ ପତ୍ରିକା ‘ସ୍ୱୟଂସିଦ୍ଧା’ର ଶାରଦୀୟ ବିଶେଷାଙ୍କ -୨୦୨୪ ଭୁବନେଶ୍ୱର ଶୈଳଶ୍ରୀ ବିହାରସ୍ଥିତ ମା’ ମଙ୍ଗଳା ମନ୍ଦିରଠାରେ ଉନ୍ମୋଚିତ ହୋଇଯାଇଛି । ମା’ ମଙ୍ଗଳାଙ୍କଠାରେ ପୂଜାର୍ଚ୍ଚନା ପରେ ବିଶିଷ୍ଟ ଶିଶୁ ସାହିତ୍ଯିକ ଦାଶ ବେନହୁର ‘ସ୍ୱୟଂସିଦ୍ଧା’କୁ ଉନ୍ମୋଚନ କରିଥିଲେ ।
ଅନ୍ୟମାନଙ୍କ ମଧ୍ୟରେ ବିଶିଷ୍ଟ ଲେଖିକା ଜୟନ୍ତିକା, ‘ସ୍ୱୟଂସିଦ୍ଧା’ର ସଂପାଦକ ଡକ୍ଟର ସୁଶୀଳ କୁମାର ବାଗ୍, ସଂପାଦନା ସହଯୋଗୀ ଡକ୍ଟର ସତ୍ୟଜିତ ଦାସ, ଫାଉଣ୍ଡେସନର ଟ୍ରଷ୍ଟି ମଧୁସ୍ମିତା ବାଗ୍ ପ୍ରମୁଖ ଉପସ୍ଥିତ ଥିଲେ । ଓଡ଼ିଶାର ବହୁ ପ୍ରବୀଣ ଓ ଯୁବ ଲେଖକ, ଲେଖିକାଙ୍କ ଗପ,କବିତା, ପ୍ରବନ୍ଧ, ଶିଶୁ ସାହିତ୍ୟ, ଅନୁବାଦ ଆଦି ଲେଖାରେ ‘ସ୍ୱୟଂସିଦ୍ଧା’ର ଏହି ସଂଖ୍ୟାଟି ସମୃଦ୍ଧଶାଳୀ ହୋଇଛି ।
