ବଲାଙ୍ଗିର-ସ୍ୱର୍ଗତ ଜ୍ୟୋତିର୍ବିଦ ପଣ୍ଡିତ ଟିକେଶ୍ୱର ଗୁରୁଙ୍କ ପ୍ରତିମା ଉନ୍ମୋଚନ ସମାରୋହ ଗାନ୍ଧୀନଗର ସ୍ଥିତ ବାସଭବନରେ ଆୟୋଜିତ ହୋଇଯାଇଛି। ଏହା ତାଙ୍କର ପ୍ରଥମ ପୁଣ୍ୟତିଥି ଅବସରରେ ହିନ୍ଦୁ କ୍ୟାଲେଣ୍ଡର ଅନୁସାରେ ଆୟୋଜିତ ହେଉଛି । ସର୍ବ ପ୍ରଥମେ ଯୋଡ଼ି ଶଙ୍ଖ ଧ୍ବନି ଓ ନୃସିଂହନାଥର କନ୍ୟା ଗୁରୁକୁଲମ୍ ଛାତ୍ରୀ ମାନଙ୍କ ଦ୍ଵାରା ବେଦପାଠ କରାଯାଇ ସଭା ଆରମ୍ଭ ହୋଇଥିଲା ।
ଏହି ଅବସରରେ ବିଶ୍ୱାତ୍ମା ପରିଷଦର ମହାସଚିବ ସ୍ଵାମୀ ସତ୍ୟ ବେଦାନନ୍ଦ ସରସ୍ଵତୀ (ବଲାଙ୍ଗିର), ଦିବ୍ୟଜ୍ୟୋତି ନୃସିଂହ ପଞ୍ଜିକାର ଗଣନାକାର ପଣ୍ଡିତ ଶ୍ରୀ ଆଶୁତୋଷ ପାଣିଗ୍ରାହୀ (ଜ୍ୟୋତିଷ ପ୍ରବୀଣ), ଅଭିନେତା ଓ ନିର୍ଦ୍ଦେଶକ ଶ୍ରୀ ପୁନୀତ ଇଶ୍ଵର, ବଲାଙ୍ଗିର ନଗରପାଲିକା ଅଧ୍ୟକ୍ଷା ମହୋଦୟା ମିସ୍ ଲିକା ସାହୁ, ପ୍ରଦୀପ କୁମାର ଷଡ଼ଙ୍ଗୀ ଓ ଆରଏସଏସ ପଶ୍ଚିମ ଓଡିଶା ଶହ ପ୍ରାନ୍ତ ପ୍ରଚାରକ ଶ୍ରୀ ସନ୍ତୋଷ ପଣ୍ଡା ପ୍ରତିମୂର୍ତ୍ତୀକୁ ଅନାବରଣ କରି ସ୍ମୃତିଚାରଣ କରିଥିଲେ ।
ଉକ୍ତ ଶ୍ରଦ୍ଧାଞ୍ଜଳି ସଭାକୁ ସୁପୁତ୍ର ଘଣ୍ଟେଶ୍ୱର ଗୁରୁ ପରିଚାଳନା କରିଥିଲେ। ଏହି ସମାରୋହରେ ସହରର ବହୁ ମାନ୍ୟ ଗଣ୍ୟ ବ୍ୟକ୍ତି ଉପସ୍ଥିତ ହୋଇଥିଲେ । ପରିଶେଷରେ ହିମାଂଶୁ ଶେଖର ଗୁରୁ ଧନ୍ୟବାଦ ଅର୍ପଣ କରିଥିଲେ ।
