ପଦ୍ମପୁର- ସାଧାରଣ ନିର୍ବାଚନକୁ ଦୃଷ୍ଟିରେ ରଖି ପୋଲିସ ପକ୍ଷରୁ ରାଜ୍ୟ ସିମାନ୍ତ ତଥା ଜିଲ୍ଲା ସିମାନ୍ତ ଅଂଚଳରେ ଯାଂଚ ଚାଲିଛି । ପଦ୍ମପୁର ଉପଖଣ୍ଡ ଜଗଦଲପୁର ପୋଲିସ ପକ୍ଷରୁ ଓଡିଶା ଛତିଶଗଡ ସିମାନ୍ତ ଧଉରାଭଟା ଠାରେ ଜଗଦଲପୁର ଥାନା ଅଧିକାରୀ କୈଳାସ ଚନ୍ଦ୍ର ପ୍ରଧାନ ଏବଂ ତାଙ୍କ ସହକର୍ମୀ ମାନେ ଯାନବାହନ ଯାଂଚ ସମୟରେ ଏକ ଚାରି ଚକିଆ ଯାନ (ଓଡି-୨୬-ବି-୩୧୧୧ ) ଯାଂଚ କରିଥିଲେ ଏବଂ ଗାଡି ମାଲିକ ଚିନିଲାଲା ସାହୁଙ୍କ ପ୍ୟାଣ୍ଟ ପକେଟରୁ ନଗଦ ଏକ ଲକ୍ଷ ଟଙ୍କା ପାଇଥିଲେ । ଏହି ଟଙ୍କା ବିଷୟରେ ସଠିକ ତଥ୍ୟ ପ୍ରଦାନ କରି ନ ପାରିବାରୁ ଟଙ୍କା ଜବତ ହୋଇଥିବା ଥାନା ଅଧିକାରୀ ସୂଚନା ଦେଇଛନ୍ତି ।
