ବରପାଲି-ବରପାଲି ହାଇସ୍କୁଲ ଖେଲ ପଡିଆରେ ଆୟୋଜିତ ସପ୍ତ ଦିବସିୟ ଜାତିୟ ସ୍ତରିୟ କ୍ରିକେଟ ପ୍ରତିଯୋଗିତା ଉଦଯାପିତ ହୋଇଯାଇଛି। ୟଙ୍ଗ ଷ୍ଟାର ଆସୋସିଏସନ ପକ୍ଷରୁ ଆୟୋଜିତ ପ୍ରତିଯୋଗିତାରେ ରାଉରକେଲା ଆରଓସିସି ଦଳ ସର୍ବ ଶ୍ରେଷ୍ଠ ଦଳ ଓ ସମ୍ବଲପୁର ଏମଏମସିସି ଦଳ ଦ୍ବିତିୟ ଶ୍ରେଷ୍ଠ ଦଳ ଭାବରେ ଘୋଷିତ ହୋଇଥିଲେ। ମୂଖ୍ୟଅତିଥି ଭାବରେ ବରଗଡ ବିଧାୟକ ଅଶ୍ୱିନୀ ସଢଙ୍ଗୀ ଓ ସମ୍ମାନିତ ଅତିଥି ଭାବରେ ବିଜେପୁର ବିଧାୟକ ସନତ ଗଡତିୟା,ଅତାବିରା ବିଧାୟକ ନିହାର ମହାନଦ ଏବଂ ଭଟଲି ବିଧାୟକ ଇରାସିସ୍ ଆଚାର୍ଯ୍ଯ ପ୍ରମୁଖ ଯୋଗ ଦେଇଥିଲେ।
ଏସୋସିଏସନ ସଭାପତି ଗିରିଧାରୀ ପାଣିଗ୍ରାହୀ ସ୍ବାଗତ ସହ କାର୍ଯ୍ଯକ୍ରମ ପରିଚାଳନା କରିଥିଲେ। ସଂପାଦକ ଚନ୍ଦନ ଅଗ୍ରୱାଲା ପରିଚୟ ପ୍ରଦାନ ସହ ବିବରଣୀ ଉପସ୍ଥାପନ କରିଥିଲେ।ପ୍ରତିଯୋଗି ଦଳ ଭାବରେ ରାଜ୍ଯ ତଥା ରାଜ୍ୟ ବାହାର ଦଳ ମାନେ ଭାଗ ନେଇଥିଲେ।ପରିଚାଳନାରେ ଉପଗୁପ୍ତ ତ୍ରିପାଠୀ, ଗୋକୁଳ ଗହିର, ଅବିନାଶ, ରାଜେଶ ମେହେର, ସିବୁ ଅଗ୍ରୱାଲ, କମଲ, ବଦ୍ରି ସୁନା, ବ୍ରିଜେଶ ଝା ପ୍ରମୁଖ ସହାୟତା କରିଥିଲେ।
