ବରପାଲି – ବରପାଲି ଲିଟିଲ ଏଞ୍ଜେଲ୍ସ ପବ୍ଲିକ୍ ସ୍କୁଲ୍ ପରିସରରେ ଆୟୋଜିତ ବିଦ୍ୟାଳୟ ସ୍ତରିୟ କ୍ରିକେଟ ପ୍ରତିଯୋଗିତା ଉଦଯାପିତ ହୋଇଯାଇଛି। ମୂଖ୍ଯଅତିଥି ଭାବରେ ପରିଚାଳନା ନିର୍ଦେଶିକା ସୁନିତା ମୁଣ୍ତ ଯୋଗଦେଇ ଉତ୍ସବକୁ ଉଦଘାଟନ କରିଥିଲେ। ବିଦ୍ୟାଳୟର ଋକ, ସାମ୍ ଯଜୁଃ ଓ ଅଥର୍ବ ଦଳକୁ ନେଇ କ୍ରିକେଟ ମ୍ୟାଚ ଆୟୋଜିତ ହୋଇଥିଲା l କନିଷ୍ଠ ବିଭାଗ ଯଜୁଃ ଓ ଅଥର୍ବ ଦଳ ମଧ୍ୟରେ ମ୍ୟାଚ୍ ଅନୁଷ୍ଠିତ ହୋଇଥିବା ବେଳେ ଦ୍ଵିତୀୟ ମ୍ୟାଚ୍ ସାମ୍ ଓ ଋକ୍ ଦଳ ମଧ୍ୟରେ ଖେଳ ହୋଇଥିଲା। ଋକ ଦଳ ମ୍ୟାଚ୍ ଜିଣି ଫାଇନାଲ ପହୁଞ୍ଚିଥିଲେ l ସେହିପରି ବରିଷ୍ଠ ବିଭାଗର ଋକ ଓ ଅଥର୍ବ ଦଳ ମଧ୍ୟରେ ଅଥର୍ବ ଏବଂ ସାମ ଓ ଯଜୁଃ ଦଳ ମଧ୍ଯରେ ମ୍ୟାଚ୍ ଅନୁଷ୍ଠିତ ହୋଇଥିଲା। ଯଜୁଃ ଦଳ ଫାଇନାଲକୁ ପହୁଞ୍ଚିଥିଲେ l
ଫାଇନାଲ ମ୍ୟାଚରେ କନିଷ୍ଠ ଓ ବରିଷ୍ଠ ଉଭୟ ବିଭାଗରୁ ଅଥର୍ବ ଦଳ ଚମ୍ପିୟନ ହୋଇଥିଲେ । ଏହି କ୍ରିକେଟ ଖେଳରେ ବରିଷ୍ଠ ବିଭାଗରେ ୮ ଓଭରରେ ୬୩ରନ୍ ଓ କନିଷ୍ଠ ବିଭାଗରେ ୧୦ ଓଭରରେ ୭୬ରନ କରି ଚମ୍ପିୟନ ଦଳ ଭାବରେ ଘୋଷିତ ହୋଇଥିଲେ । କନିଷ୍ଠ ବିଭାଗର ସାହିଲ କ୍ଷେତି ଓ ବରିଷ୍ଠ ବିଭାଗରେ ସମ୍ବିତ ସାହୁଙ୍କୁ ମ୍ୟାନ ଅଫ୍ ଦି ସିରିଜ ପ୍ରଦାନ କରାଯାଇଥିଲା l ବିଦ୍ୟାଳୟର ପ୍ରଶାସନିକ ଅଧିକାରୀ ମିନତି ପ୍ରଧାନ ବିଜେତା ଦଳଙ୍କୁ ପୁରସ୍କୃତ କରିଥିଲେ ।
ଏଥିରେ ବିଚାରକ ଭାବେ ରୋହିତ ରୟ ଓ ମୃତ୍ୟୁଞ୍ଜୟ ସାହୁ ଯୋଗ ଦେଇ ଦାୟିତ୍ବ ଗ୍ରହଣ କରିଥିବା ବେଳେ ଖେଳ ଶିକ୍ଷକ ରଞ୍ଜନ ବିଶ୍ୱାଳ, ଆଶୀର୍ବାଦ ବେହେରା, ସୁମନ୍ତ ଦିଶ୍ରୀ, ସରୋଜ ପଧାନ , ପୁରନ୍ଦର ସିଂହ ଓ ନିମାଇଁ ଥଇତ୍ ଯୋଗ ଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ l ଏହି କାର୍ଯ୍ୟକ୍ରମରେ ନୂରୀ ପଧାନ, ଅଜିତ୍ ସାହୁ, ପ୍ରଶାନ୍ତ ସାହୁ, ଆଶିଷ ଭୋଇ , ଦୟାସାଗର ନନ୍ଦ, ତିରୋଦ୍ ଭୋଇ, ଆକିଶ ବିଶ୍ୱାଳ, ହେମନ୍ତ ପ୍ରମୁଖ କାର୍ଯ୍ୟକର୍ତ୍ତା ସହଯୋଗ କରିଥିଲେ । ବିଦ୍ୟାଳୟ ଅଧ୍ୟକ୍ଷା ମଧୁସ୍ମିତା ମୁଣ୍ଡ ଧନ୍ୟବାଦ ଅର୍ପଣ କରିଥିଲେ l
