ବରପାଲି-ବରପାଲି ଲିଟିଲ ଏଞ୍ଜେଲସ ପବ୍ଲିକ ସ୍କୁଲ ପରିସରରେ ଆୟୋଜିତ ସପ୍ତାହବ୍ୟାପୀ ପ୍ରତିଯୋଗିତା ମୂଳକ ଆନ୍ତଃ ବିଦ୍ୟାଳୟ ଉଡ଼ାନ କାର୍ଯ୍ୟକ୍ରମ ଉଦଯାପିତ ହୋଇଯାଇଛି । ଗତ ୮ତାରିଖରୁ ୧୪ ତାରିଖ ପର୍ଯ୍ଯନ୍ତ ଲିଟିଲ ଏଞ୍ଜେଲସ ପବ୍ଲିକ ସ୍କୁଲ ବରପାଲି ଓ ଡୁଙ୍ଗୁରିପାଲିର ଛାତ୍ରଛାତ୍ରୀ ମାନଙ୍କୁ ନେଇ ଉତ୍ସବର ଆୟୋଜିତ ହୋଇଥିଲା। କାର୍ଯ୍ୟକ୍ରମରେ ପ୍ରବନ୍ଧ, ଚିତ୍ରାଙ୍କନ, ଅଭିନୟ, ଝୋଟି,ବକ୍ତୃତା,ତର୍କ,ଗୀତ,ନୃତ୍ୟ, ବିଜ୍ଞାନ ଓ ଗଣିତ ପ୍ରଦର୍ଶନୀ, କୁଇଜ ପ୍ରଭୁତି ବିଷୟକୁ ନେଇ ବିଭିନ୍ନ ଦିବସରେ ପ୍ରତିଯୋଗିତା ମାନ ପ୍ରସ୍ତୁତ କରାଯାଇଥିଲା।
ବିଚାରକ ଭାବରେ ସୁଶାନ୍ତ ଶତପଥି, ରମାକାନ୍ତ ତ୍ରିପାଠୀ, ସରୋଜ କୁମାର ମେହେର, ବନ୍ଦିତା ପ୍ରଧାନ, ବିନୋଦ ବେହେରା, ସୁଧାଂଶୁ ଶେଖର ଦାଶ, ଅବସର ପ୍ରାପ୍ତ ପ୍ରଫେସର କିଶୋର କୁମାର ମେହେର, ଶଙ୍କର ପଟ୍ଟନାୟକ, ଡ ତପସ୍ଵିନୀ ଗୁରୁ,ଅଶୋକ କୁମାର ପଣ୍ଡା, କୃଷ୍ଣଚନ୍ଦ୍ର କୁମ୍ଭାର, କନ୍ଦର୍ପ ପୂଜାରୀ, ଶାଶ୍ଵତ ରଞ୍ଜନ ପାଣିଗ୍ରାହୀ, ବୈଜୟନ୍ତୀ ମେହେର ପ୍ରମୁଖ କାର୍ଯ୍ଯଭାର ନିର୍ବାହ କରିଥିଲେ। ଗତ ୧୩ ତାରିଖ ଜଗବନ୍ଧୁ ମହିଳା ଡିଗ୍ରୀ ମହାବିଦ୍ୟାଳୟ ପ୍ରତିଷ୍ଠାତା ଅନ୍ତର୍ଯ୍ୟାମୀ ପଣ୍ଡା ମୁଖ୍ୟ ଅତିଥି ଓ ଅଧ୍ୟକ୍ଷା ଶ୍ରୀମତୀ ପଦ୍ମିନୀ ଦାଶ ସମ୍ମାନୀତ ଅତିଥି ରୂପେ ଯୋଗ ଦେଇ କାର୍ଯ୍ୟକ୍ରମର ଶୁଭ ଉଦ୍ଘାଟନ କରିଥିଲେ ।
ସଭାକାର୍ଯ୍ୟକୁ ସଂଯୋଜନା କରିଥିଲେ ଶ୍ରଦ୍ଧାସୁମନ ଦୀପ ଓ ଆଦିଶ୍ରୀ ବେହେରା । କାର୍ଯ୍ୟକ୍ରମର ଶେଷ ଦିନ ପଣ୍ଡିତ ଜବାହରଲାଲ ନେହେରୁଙ୍କ ଜନ୍ମ ଜୟନ୍ତୀ ଓ ଶିଶୁ ଦିବସ ମଧ୍ୟ ପାଳନ କରାଯାଇଥିଲା । ଏହି ଅବସରରେ ଅନୁଷ୍ଠିତ ସଭାରେ ମୁଖ୍ୟଅତିଥି ରୂପେ ଅଭିନେତା ଓ ନିର୍ଦ୍ଦେଶକ ଗଦାଧର ବାରିକ ଓ ସମ୍ମାନୀତ ଅତିଥି ଭାବେ କଳା ନିର୍ଦ୍ଦେଶକ ଗୌରୀଶଙ୍କର ବେଜ ଯୋଗ ଦେଇ କାର୍ଯ୍ୟକ୍ରମର ଶୁଭ ଉନ୍ମୋଚନ କରିଥିଲେ l ବିଦ୍ୟାଳୟ ପରିଚାଳନା ନିର୍ଦ୍ଦେଶିକା ଶ୍ରୀମତୀ ସୁନିତା ମୁଣ୍ଡଙ୍କ ସଭାପତିତ୍ୱରେ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା ।
ଅଧ୍ୟକ୍ଷା ମଧୁସ୍ମିତା ମୁଣ୍ଡ ,ଉପାଧ୍ୟକ୍ଷ ସୁଶୀଳ କୁମାର ରଥ, ପ୍ରଶାସନିକ ଅଧିକାରୀ ମିନତି ପ୍ରଧାନ ମଞ୍ଚାସୀନ ଥିଲେ । ସଭା କାର୍ଯ୍ଯର ସଂଯୋଜନା ଦାୟିତ୍ବରେ ଥିଲେ ଶ୍ରଦ୍ଧା ସୁମନ ଦୀପ ଓ ଆଦିଶ୍ରୀ ବେହେରା । ଉଡାନର ବିବରଣ ପ୍ରଦାନ କରିଥିଲେ ସୌମ୍ୟ ସ୍ମରଣିକା ହୋତା । ଏହି ଅବସରରେ ଚଳିତବର୍ଷ ଆଇଜର ଓ ନିଟ ପରୀକ୍ଷାରେ କୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଚନ୍ଦନ ମେହେର, ଦୋଳଗୋବିନ୍ଦ ସାହୁ, ଜିନୁ ସାହୁ, ଉଦୟ କୁମାର ରଥ, ରାଜଶ୍ରୀ ମେହେରଙ୍କୁ ଶୁଭେଚ୍ଛା ପ୍ରଦାନ କରାଯିବା ସହ ବିଦ୍ୟାଳୟର ଶ୍ରେଷ୍ଠ ଛାତ୍ର ଭାବେ ପ୍ରିୟାଂଶୁ ରାଜ ମିଶ୍ରଙ୍କୁ ପୁରସ୍କୃତ କରାଯାଇଥିଲା l
ଏହା ସହ ସି ସି ଏ ଷ୍ଟାର ଆୱାର୍ଡ ଦ୍ୱାରା ଉଭୟ କନିଷ୍ଠ ଓ ବରିଷ୍ଠ ବିଭାଗ ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯିବା ସହ ଶ୍ରେଷ୍ଠ କ୍ଳବ ଭାବେ ବିଜ୍ଞାନ ଦଳ,ଉଡାନ ଚମ୍ପିୟନ ଭାବେ ଲିଟିଲ ଏଞ୍ଜେଲସ ପବ୍ଳିକ ସ୍କୁଲ ବରପାଲି ପୁରସ୍କାର ପାଇଥିଲେ । ଶେଷରେ ବିଦ୍ୟାଳୟ ପରିଚାଳନା ନିର୍ଦ୍ଦେଶିକା ଅତିଥି ମାନଙ୍କୁ ସମ୍ମାନୀତ କରିଥିଲେ । ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀଙ୍କ ମିଳିତ ସହଯୋଗରେ ଶେଷ ଦୁଇ ଦିନ ଧରି ସାଂସ୍କୃତିକ କାର୍ଯ୍ୟକ୍ରମ ସହ ମନୋରଞ୍ଜନ ଭିତ୍ତିକ କାର୍ଯ୍ୟକ୍ରମ ଫନ୍ ଫେୟାର ଆୟୋଜନ କରାଯାଇଥିଲା ।
ଚଳଚ୍ଚିତ୍ର, ଖାଦ୍ୟ,ଭୂତ ବଙ୍ଗଳା, ଖେଳ ଆଦିର ଆୟୋଜନ କରି ପାଣ୍ଠି ସଂଗ୍ରହ କରିଥିଲେ । ଏହି ସଂଗୃହୀତ ପାଣ୍ଠିକୁ ଅନାଥ ମାନଙ୍କ କଲ୍ୟାଣ, ପଶୁ କଲ୍ୟାଣ ଏବଂ ମହିଳା ମାନଙ୍କ ସ୍ୱାବଲମ୍ବନ ଶୀଳତା ନିମନ୍ତେ ବିନିଯୋଗ କରାଯିବ । କାର୍ଯ୍ୟକ୍ରମକୁ ସଫଳ କରିବା ନିମନ୍ତେ ଛାତ୍ରଛାତ୍ରୀ ଅଭିଭାବକ ଓ ଶିକ୍ଷକଗଣ ସହଯୋଗ କରିଥିଲେ l
