ପଦ୍ମପୁର- ପଦ୍ମପୁର ଅଞ୍ଚଳରେ ଗତ ତିନିଦିନ ହେବ ଲଗାଣ ବର୍ଷା ଜାରି ରହିଛି। ଲଗାଣ ବର୍ଷା ଫଳରେ ବ୍ୟାପକ ଜନଜୀବନ ପ୍ରଭାବିତ ହୋଇଥିବା ଦେଖିବାକୁ ମିଲିଛି । ମଙ୍ଗଳବାର ରାତିରେ ଭୀଷଣ ବର୍ଷା ହେବା କାରଣରୁ ପଦ୍ମପୁର ସହରର ତଳିଆ ଅଞ୍ଚଳରେ ପାଣି ଜମିଯିବା ସହ ଲୋକଙ୍କ ଘରକୁ ପାଣି ପଶିଥିଲା ।
ଲଗାଣ ବର୍ଷା ଯୋଗୁଁ ପ୍ରଭାବିତ ହୋଇଥିବା ଅଞ୍ଚଳର ତଥା ଲୋକଙ୍କୁ ପଦ୍ମପୁର ବିଧାୟକ ପ୍ରାର୍ଥୀ ଗୋବର୍ଦ୍ଧନ ଭୁଏଙ୍କ ନେତୃତ୍ବରେ ବିଜେପିର ଏକ ପ୍ରତିନିଧି ମଣ୍ଡଳୀ ପଦ୍ମପୁର ସହରର ବିଭିନ୍ନ ୱାର୍ଡ ସହ ବିଭିନ୍ନ ବିଦ୍ୟାଳୟ ପରିଦର୍ଶନ କରିବା ସହ ଲୋକଙ୍କ ସମସ୍ୟା ବୁଝିଛନ୍ତି ।
ପାଣି ଜମି ରହିଥିବା ଅଞ୍ଚଳରୁ ପାଣି କାଢିବା ସହ ଜଳ ଘେରରେ ଫସି ରହିଥିବା ଲୋକଙ୍କୁ ରିଲିଫ ଯୋଗାଇବା ପାଇଁ ଶ୍ରୀ ଭୁଏ ପଦ୍ମପୁର ଏନଏସି କାର୍ଯ୍ୟନିର୍ବାହୀ ଅଧିକାରୀ ରାମଚନ୍ଦ୍ର ମାଝୀଙ୍କୁ ଅନୁରୋଧ କରିଥିଲେ ।
ଏହି ପ୍ରତିନିଧି ମଣ୍ଡଳୀରେ ଅନ୍ୟମାନଙ୍କ ମଧ୍ଯରେ ବିଜେପି ନଗର ସଭାପତି ସୁନିଲ ଅଗ୍ରୱାଲ, କାଉନସିଲର ଚିନ୍ମୟ କୁମାର ପଣ୍ଡା,ଡାକ୍ତର ନାରାୟଣ ପୁରୋହିତ, ନରୋତ୍ତମ ପ୍ରଧାନ, ସରୋଜ ମିଶ୍ର, ଆର୍ୟା ସାହୁ ,ନାରୀନେତ୍ରୀ ଜ୍ୟୋତ୍ସ୍ନାରାଣୀ କର ପ୍ରମୁଖ ସାମିଲ ଥିଲେ ।
