ମହୁଲ ଗୋଟାଲି ମାନେ ପାଉନାହାନ୍ତି ଉଚିତ ପ୍ରାପ୍ୟ ।
ମଣ୍ଡି ଖୋଲିବାକୁ ଦାବି ।
ପାଇକମାଲ-ବଣ ପାହାଡ ପାଦଦେଶରେ ରହୁଥିବା ଗାଁଗୁଡିକର ଗରିବ , ମଧ୍ୟବିତ୍ତ ତଥା ଅନଗ୍ରସର ଲୋକଙ୍କ ପାଇଁ ମହୁଲ ଫୁଲ ହେଉଛି ଏକ ଅର୍ଥକାରୀ ଫସଲ। ଗ୍ରୀଷ୍ମ ଆସିବା ମାତ୍ରେ ମହୁଲ ଫୁଲ ପଡ଼ିବାକୁ ଆରମ୍ଭ ହୋଇଥାଏ । ଲୋକେ ବହୁ ଫୁଲ ସଂଗ୍ରହ କରି ରୋଜଗାର କରି ଜୀବିକାର୍ଜନ କରନ୍ତି। ଆଗେ ଚାର, କେନ୍ଦୁ ଫଳ ବିକ୍ରି ମଧ୍ୟ ରୋଜଗାର କରୁଥିଲେ । ଏବେ ଯାହାର ଗଛ ଅଛି ସେମାନେ ମହୁଲ ଗୋଟାଇ ପଇସା ଅର୍ଜନ କରି ଜୀବିକାର୍ଜନ କରି ପରିବାର ପୋଷୁଛନ୍ତି।
ସେମାନେ ଭୋର ସକାଳୁ ଉଠି ବଣର ହିଂସ୍ରଜନ୍ତୁକୁ ଖାତିର ନକରି ମହୁଲ ଗଛକୁ ଯାଇ ଅପରାହ୍ନ ୩/୪ଟା ପର୍ଯ୍ୟନ୍ତ ମହୁଲ ଗୋଟାଇ ଫେରନ୍ତି। ଏହାକୁ ଖରାରେ ୩/୪ ଦିନ ଶୁଖାଇ ବିକ୍ରି କରିଥାନ୍ତି। ଏହି ଲଘୁବନଜାତ ଦ୍ରବ୍ୟ ମହୁଲର ସରକାରୀ ଦର ଓ ବିକ୍ରୟ ବ୍ୟବସ୍ଥା ନଥିବାରୁ ବେପାରୀଙ୍କୁ କମ୍ ଦରରେ ବିକ୍ରୟ କରି କ୍ଷତି ସହୁଛନ୍ତି । ମହୁଲ ଦର ୩୫/୪୦ ଟଙ୍କା ଅଛି ବୋଲି ଅଭିଯୋଗ କରିଛନ୍ତି।
ସରକାରୀ ଉଚିତ ମୂଲ୍ୟରେ ଓ ମହୁଲ ମଣ୍ଡି ଖୋଲା ଯାଉ ବୋଲି ଅଭିଯୋଗ କରିଛନ୍ତି। ମାଣ୍ଡୋସିଲ ଅଞ୍ଚଳର ଜାମସେଠ, ମାଣ୍ଡୋସିଲ, ବରତୁଣ୍ଡା,ପୁରେନା, ଭୂଇଁଖାର,ବାଦିମାଲ, ଛିନ୍ଦେଇକେଲା,ଭେରୁଆମୁଣ୍ଡା ,ଡୁଡୁକିଝରିଆ, ଟେମ୍ରିମାଲ, ପତ୍ରାଗୁଡା, ଝାରବନ୍ଧ, ଜର୍ଜଗଡ,ବାରପଲିଆ, ମଖନାମୁଣ୍ଡା, ଧାରୋଲ, ଭୁତମୁଣ୍ଡା, ଡୁମ୍ବେରବାହାଲ,କାଂସଡା , ଭୁବନେଶ୍ଵରପୁର , ଆଖପାଖ ଗାଁ ତଥା ଜଙ୍ଗଲକୁ ଲାଗିଥିବା ଗାଁଗୁଡିକରେ ବହୁଳ ପରିମାଣରେ ମହୁଲ ଗଛ ଦେଖିବାକୁ ମିଳିଥାଏ ।
