ବରପାଲି-ବରପାଲି ବ୍ଲକ ରେମତା ହାଇସ୍କୁଲର ୩୨ ତମ ବାର୍ଷିକ ଉତ୍ସବ ପ୍ରଧାନ ଶିକ୍ଷକ ପୂର୍ଣ୍ଣଚନ୍ଦ୍ର ବଢ଼େଇଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି l ମୁଖ୍ୟ ଅତିଥି ଭାବରେ ବ୍ଲକ ଶିକ୍ଷା ଅଧିକାରୀ ମୁକୁନ୍ଦ ମାହାରା ଓ ମୁଖ୍ୟବକ୍ତା ଭାବରେ ସିଆରସିସି ଲୁପାନଚନ ବାରିକଙ୍କ ସମେତ ସମ୍ମାନିତ ଅତିଥି ସରପଞ୍ଚ ବିନୟ ଗଡ଼ତିଆ,ପୂର୍ବତନ ସ୍କୁଲ ପରିଚାଳନା କମିଟି ସଭାପତି ଧିରୋଜ ପଧାନ ଓ ଦିବ୍ୟକିଶୋର ବେହେରା ପ୍ରମୁଖ ଯୋଗ ଦେଇଥିଲେ। ଅତିଥି ମାନେ ଆଧ୍ୟାତ୍ମିକ ଶିକ୍ଷା ହି ଚରିତ୍ର ଗଠନର ମାର୍ଗ ଦର୍ଶାଏ ବୋଲି ମତବ୍ୟକ୍ତ କରିଥିଲେ l
ଏହି ଅବସରରେ ପୁର୍ବତନ ପରିଚାଳନା ସଭାପତି ତରଣୀ ଦେବତା,ଧିରୋଜ ପଧାନ,ସତ୍ୟବାନ ସାହୁ,ଦିବ୍ୟକିଶୋର ବେହେରା,ତେଜରାଜ ପଧାନ,ବିଶିକେଶନ ପଟେଲ,ଶତ୍ରୁଘ୍ନ ପଧାନ ଓ ସଂଜୀବ ଦାସ ପ୍ରମୁଖ ପୂର୍ବତନ ସ୍କୁଲ ପରିଚାଳନା କମିଟି ସଭାପତି ମାନଙ୍କୁ କମିଟି ପକ୍ଷରୁ ସମ୍ମାନିତ କରାଯାଇଥିବା ବେଳେ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀ ମାନଙ୍କୁ ପୁରସ୍କାର ବିତରଣ ହୋଇଥିଲା l
ସ୍ୱାଗତ ଓ ମଞ୍ଚ ପରିଚାଳନା କରିଥିଲେ ଶିକ୍ଷୟତ୍ରୀ ମିନାକ୍ଷୀ ସାହୁ,ପରିଚୟ ଓ ବିବରଣୀ ପାଠ କରିଥିଲେ ସୁନୀତି ପାତ୍ର l ପୁରସ୍କାର ବିତରଣୀ କାର୍ଯ୍ୟକ୍ରମକେ ସଂଯୋଜନା କରିଥିଲେ ଶିକ୍ଷକ ଉମେଶ ଚନ୍ଦ୍ର ସାହୁ ଓ ଶିକ୍ଷୟତ୍ରୀ ଅର୍ପିତା ପଧାନ l ସାଂସ୍କୃତିକ କାର୍ଯ୍ୟକ୍ରମକେ ଶିକ୍ଷକ ବେହେରା ଓ ସଂଯୁକ୍ତା ଦଶ ସଂଯୋଜନା କରିଥିବା ବେଳେ ଧନ୍ୟବାଦ ଅର୍ପଣ କରିଥିଲେ ଶିକ୍ଷକ ନିହାର ବେହେରା l କାର୍ଯ୍ୟକ୍ରମକୁ ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଛନ୍ତି l
