ପଦ୍ମପୁର – ବରଗଡ଼ ଜିଲ୍ଲା ରାଜବୋରାସମ୍ବର ବ୍ଲକ ବୁଡେନ୍ ଗ୍ରାମ ପଞ୍ଚାୟତ ଅନ୍ତର୍ଗତ ରାୟବାହାଦୁର ପୁର ଗ୍ରାମବାସୀଙ୍କ ତରଫରୁ ଏକ ଗ୍ରାମସଭା ଅନୁଷ୍ଠିତ ହୋଇଯାଇଛି । ସରପଞ୍ଚଙ୍କ ନୋଟିସ କ୍ରମେ ଆୟୋଜିତ ଉକ୍ତ ସଭାରେ ମୁଖ୍ୟ ଅତିଥି ଭାବେ ରାଜବୋରାସମ୍ବର ବ୍ଲକ ସାମାଜିକ କଲ୍ୟାଣ ସମ୍ପ୍ରସାରଣ ଅଧିକାରୀ ସୂର୍ଯ୍ୟକାନ୍ତ ଭୋଇ ଯୋଗ ଦେଇଥିବା ବେଳେ ପାଇକମାଳରୁ ବ୍ୟାସଦେବ ବାରିକ, କେଶବ ଡନସନା , ଫକୀର ରଣା ଉପସ୍ଥିତ ଥିଲେ ।
କାର୍ଯ୍ୟକ୍ରମରେ ଜଙ୍ଗଲ ସୁରକ୍ଷା, ସଂରକ୍ଷଣ, ପୁନଃଜନନ, ପରିଚାଳନା ଆଦି ସକାଶେ ବାଜା ସହ ଏକ ଶୋଭାଯାତ୍ରା କରାଯାଇ ଜଙ୍ଗଲ ସୀମାରେ ବୃକ୍ଷ ରୋପଣ ପୂର୍ବକ ପୂଜାକାର୍ଯ୍ୟ କରାଯାଇଥିଲା । ଏଥିରେ ଗ୍ରାମସଭା ପାରମ୍ପରିକ ଭାବେ ଅଧିକୃତ ଜଙ୍ଗଲ ସୀମାରେ ହାତ ଲେଖା ସୂଚନା ବୋର୍ଡ ପିଟି ଚିହ୍ନଟ ପ୍ରକ୍ରିୟା କରାଯାଇଥିଲା ।
ଗାଁରେ ଆୟୋଜିତ ବୈଠକରେ ଏକ ଦୃଢ଼ ଉତ୍ତରଦାୟୀ ପରିଚାଳନା କମିଟି ଗଠନ କରାଯାଇ ଜଙ୍ଗଲ ଅଧିକାର ଆଇନ ତଥା ପରିଚାଳନାଗତ ନୀତି ନିୟମ ଉପରେ ଆଲୋଚନା ହୋଇଥିଲା । କାର୍ଯ୍ୟକ୍ରମକୁ ଜନ୍ମେଜୟ ସାହୁ, ଅରବିନ୍ଦ ଶବର, ଚୈତନ୍ୟ ବରିହା, ସୁନାଧର ବରିହା, ଚନ୍ଦ୍ରହାସ୍ୟ ପଟେଲ, ସୁରୁବାଲି ନାଏକ, ଯଶୋବନ୍ତି ଗୁରୁ, ଅଷ୍ଟମୀ ସେଠ୍, ଅହଲ୍ୟା ବରିହା ପ୍ରମୁଖ ସହଯୋଗ କରିଥିଲେ ।
