ଗାଇସିଲେଟ – ବରଗଡ ଜିଲ୍ଲା ଗାଇସିଲେଟ ବ୍ଲକ ଅନ୍ତର୍ଗତ ରାଇସଲପଦର ଉପରପଡ଼ା ବନ୍ଧପଡ଼ା ଠାରେ ପ୍ରାୟ ଏକ କିଲୋମିଟର ରାସ୍ତା ଶୋଚନୀୟ ହୋଇପଡିଛି ଯାହାକୁ ନେଇ ପଡାବାସି ଅସନ୍ତୋଷ ପ୍ରକାଶ କରିଛନ୍ତି । ଏହି ରାସ୍ତାରେ ପ୍ରତ୍ୟେକ ଦିନ ଗ୍ରାମର ଶହ ଶହ ଲୋକ ଯିବା ଆସିବା କରୁଥିବା ବେଳେ ରାସ୍ତାର ଅବସ୍ଥା ଦେଖି ଭୋଟର ଏବେ ତୀବ୍ର ଅସନ୍ତୋଷ ପ୍ରକାଶ କରୁଛନ୍ତି । ଆଗାମୀ ସାଧାରଣ ନିର୍ବାଚନ ପୂର୍ବରୁ ଏହି ରାସ୍ତା ମରାମତି ନ ହେଲେ ଭୋଟ ଦେବୁ ନାହିଁ ବୋଲି ଚେତାବନୀ ଦେଇଛନ୍ତି । ଟିକିଏ ବର୍ଷାରେ ରାସ୍ତାର ଅବସ୍ଥା ଏଭଳି ଥିବା ବେଳେ ବର୍ଷା ଋତୁରେ ନାହିଁ ନ ଥିବା ଅସୁବିଧା ଭୋଗୁଛନ୍ତି ପଡ଼ାବାସୀ ବୋଲି ଅଭିଯୋଗ କରିଛନ୍ତି । ଏହି ରାସ୍ତାକୁ ଏଲ ଏନ୍ ଟି କମ୍ପାନୀ ଦ୍ୱାରା ପାଣି ପାଇବ ପାଇଁ ମାଟି ଖୋଲି ରାସ୍ତାକୁ ଆହୁରି ଶୋଚନୀୟ କରିଦେଇ ଥିବା ଲୋକେ ଅଭିଯୋଗ କରିଛନ୍ତି।
