ବରପାଲି-ବରପାଲି ବ୍ଳକ ଅର୍ନ୍ତଗତ ବିଭିନ୍ନ ଗ୍ରାମରେ ବରଗଡ ମମତା ପ୍ରକଳ୍ପ ଜାଗୃତି ପକ୍ଷରୁ ମହିଳା ବିରୋଧୀ ହିଂସା ନିରାକରଣ ପାଇଁ ଅନ୍ତର୍ଜାତୀୟ ଦିବସ ପାଳିତ ହୋଇଯାଇଛି। କାର୍ଯ୍ୟକ୍ରମକୁ ମମତା ସ୍ୱାସ୍ଥ୍ୟ ପ୍ରତିଷ୍ଠାନ ମା’ ଏବଂ ଶିଶୁ ମାନଙ୍କ ପାଇଁ ପ୍ରତିଷ୍ଠାନ ଦ୍ୱାରା ଆୟୋଜିତ ହୋଇଥିଲା। ମମତା ଏଚଆଇଏମସି ଜିଲ୍ଲା ସଂଯୋଜକ ଅଦିତି ଜାନା ଚଳିତ ବର୍ଷର ବିଷୟବସ୍ତୁ, ଘରୋଇ ହିଂସାର ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋକପାତ କରିଥିଲେ। ଅଧିବେଶନ ଗୁଡ଼ିକରେ ହିଂସାକୁ ପରିଭାଷିତ କରିବା ଏବଂ ବିଭିନ୍ନ ରୂପ – ଶାରୀରିକ, ଭାବପ୍ରବଣ ଓ ମାନସିକ – ବଞ୍ଚିଥିବା ଲୋକଙ୍କ ପାଇଁ ବ୍ୟବହାରିକ ପଦକ୍ଷେପ ସହିତ ସାହାଯ୍ୟ ସହଯୋଗ କେଉଁଠାରୁ ମିଳିପାରିବ ଏବଂ ଉପଲବ୍ଧ ଆଇନଗତ ସୁରକ୍ଷା ପ୍ରଭୁତି ଗୁରୁତ୍ୱପୂର୍ଣ୍ଣ ବିଷୟ ଉପରେ ମମତା ଏଚଆଇଏମସି କର୍ମଚାରୀ ମାନେ ମଧ୍ୟ ଆଲୋଚନା କରିଥିଲେ।
କାର୍ଯ୍ୟକ୍ରମର ସାଧନ ବ୍ୟକ୍ତି ଥିବା ଆଇନଜୀବୀ ଭୁବନେଶ୍ୱର ବାରିକ ଘରୋଇ ହିଂସା ଆଇନ, ୨୦୦୫ ଭଳି ପ୍ରାସଙ୍ଗିକ ଆଇନ ବିଷୟବସ୍ତୁ ଉପରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ। ସେହିପରି ସ୍ଥାନୀୟ ସହାୟତା ସୁବିଧା ଉପରେ ଆଲୋଚନା ହୋଇଥିଲା। ମହିଳା ମାନଙ୍କୁ ନିର୍ଯାତନା ବିରୁଦ୍ଧରେ କହିବା ଏବଂ ନ୍ୟାୟ ପାଇବାକୁ ଉତ୍ସାହିତ କରାଯାଇଥିଲା। ଉଦ୍ଦେଶ୍ୟ ଥିଲା ସମ୍ପ୍ରଦାୟକୁ ସଶକ୍ତ କରିବା, ମହିଳା ଅଧିକାର ବିଷୟରେ ସଚେତନତା ବୃଦ୍ଧି କରିବା ଏବଂ ସମସ୍ତଙ୍କ ପାଇଁ ଏକ ସୁରକ୍ଷିତ ପରିବେଶ ପ୍ରୋତ୍ସାହିତ କରିବା। କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା ଏବଂ ହିଂସା ମୁକାବିଲା ଏବଂ ସହାୟତା ବ୍ୟବସ୍ଥାକୁ ସୁଦୃଢ଼ କରିବା ଉପରେ ଆଲୋଚନା ଆରମ୍ଭ ହୋଇଥିଲା।ଏହି କାର୍ଯ୍ୟକ୍ରମ କୁ ମମତା ର ଜିଲ୍ଲା ସଂଯୋଜକ ଅଦିତି ଜାନା ଙ୍କ ସହିତ ମମତାର ସମସ୍ତ ବିଏସ ଯଶୋବନ୍ତ ପୂଜାରୀ,ସୋମ୍ୟ ବାରିକ ଓ ଓଆରଡବ୍ଲୁ କ୍ଷୀରୋଦ୍ରୀ ପଧାନ, ମହାଦେବ ଭୁଏ, କ୍ଷୀରସିନ୍ଧୁ ଭୋଇ, ପ୍ରହଲ୍ଲାଦ ପାଣିଗ୍ରାହୀ, ଆଲୋକ ମେହେର, ମୁକେଶ ଚୌହାନ , ଘନଶ୍ୟାମ ଭୋଇ ଜୀବର୍ଦ୍ଧନ ସାହା ପ୍ରମୁଖ ପରିଚାଳନାରେ ସହାୟତା କରିଥିଲେ।
