ଅତାବିରା(ସୁରେନ୍ଦ୍ର କଠାର)-ବରଗଡ ଜିଲା ଅତାବିରା ବ୍ଲକ ବୁଗବୁଗା ପଂଚାୟତ ଭୁତଟିକ୍ରା ଗ୍ରାମରେ ଅତାବିରା ବିଧାୟକ ନିହାରରଂଜନ ମହାନନ୍ଦଙ୍କୁ ଗ୍ରାମବାସୀ ପୁଷ୍ଫଗୁଛ ଓ ଉତ୍ତରୀୟ ଦେଇ ସ୍ବାଗତ ସମ୍ବର୍ଦ୍ଦନା ପ୍ରଦାନ କରିଥିଲେ ।ପରେ ଗ୍ରାମବାସୀ ଗ୍ରାମରେ ଥିବା ବିଭିନ୍ନ ସମସ୍ୟା ସମ୍ପର୍କରେ ବିଧାୟକଙ୍କୁ ଜଣାଇଥିଲେ । ବିଧାୟକ ସମସ୍ତ ସମସ୍ୟାର ସମାଧାନ କରାଯିବ ବୋଲି କହିଥିଲେ ।
ଏହି ସମୟରେ ବୁଗବୁଗା ସରପଂଚ ଶେଷଦେବ ଛନ୍ଦ,ସମିତିସଭ୍ୟ କୈଲାସ ଧରୁଆ ଉପସ୍ଥିତ ଥିଲେ । ରାସ୍ତା ସମସ୍ୟା ହେଉଛି ଏହି ଗାଁର ମୁଖ୍ଯ ସମସ୍ୟା। ଭୁତଟିକ୍ରାରୁ ପତ୍ରାପାଲିକୁ ସଂଯୋଗ କରୁଥିବା ରାସ୍ତା ଅତି ଶୋଚନୀୟ ହୋଇ ପଡିଛି । ପୂର୍ବ ସରକାରକୁ ଏ ସମ୍ପର୍କରେ ବାରମ୍ବାର ଜଣାଇଥିଲେ ମଧ୍ଯ କିଛି ସୁଫଳ ମିଲିନଥିଲା, ନୂତନ ସରକାର ଆସିବା ପରେ ରାସ୍ତା ମରାମତି ହୋଇଯିବ ବୋଲି ଗ୍ରାମବାସୀ ଆଶା ରଖିଛନ୍ତି |
