ପଦ୍ମପୁର – ରାଜବୋଡ଼ାସମ୍ବର ଉଚ୍ଚ ବିଦ୍ୟାଳୟରେ ବ୍ଲକ ସ୍ତରୀୟ ବିଜ୍ଞାନ କୁଇଜ୍ ପ୍ରତିଯୋଗିତା ଆୟୋଜିତ ହୋଇ ଯାଇଛି। ବ୍ଲକ ଶିକ୍ଷାଅଧିକାରୀ ଶ୍ରୀ ଲୋକନାଥ ଭୋଇଙ୍କ ଦ୍ଵାରା ଶ୍ରୀ ଗଣେଶ ଓ ମା ସରସ୍ଵତୀଙ୍କ ଠାରେ ଦୀପ ପ୍ରଜ୍ଜ୍ୱଳନ ପୂର୍ବକ ଏହି ପ୍ରତିଯୋଗିତା ଆରମ୍ଭ ହୋଇଥିଲା। ବରିଷ୍ଠ ବିଜ୍ଞାନ ଶିକ୍ଷକ ଶ୍ରୀ ରାଜେଶ ଖମାରୀ ଓ ଶ୍ରୀ ମାନସ ରଞ୍ଜନ ଶତପଥୀଙ୍କ ଦ୍ୱାରା କୁଇଜର ପ୍ରଶ୍ନାବଳୀ ପ୍ରସ୍ତୁତ କରାଯାଇଥିଲା ଓ ସୁଶ୍ରୀ ପ୍ରୀତିରଶ୍ମି ସେଠ୍ କାର୍ଯକ୍ରମର ସଂଯୋଜନା କରିଥିଲେ।
ବ୍ଲକ ଶିକ୍ଷା ଅଧିକାରୀ ଶ୍ରୀ ଭୋଇଙ୍କ ସଭାପତିତ୍ବରେ ଅନୁଷ୍ଠିତ ପୁରସ୍କାର ବିତରଣ ଉତ୍ସବରେ ଶ୍ରୀ ଅଭିଳାଷ ସାହୁ, ଶ୍ରୀ ପ୍ରମୋଦ ନାଥ, ଶ୍ରୀ ରାଜେଶ ଖମାରୀ ଓ ଶ୍ରୀ ମାନସ ରଞ୍ଜନ ଶତପଥୀ ମଞ୍ଚାସିନ ଥିଲେ। ଜୁନିଅର ବିଭାଗରୁ ପ୍ରତୀକ ମହାନ୍ତି, ଶୁଭଶ୍ରୀ ସୁନା ଯଥାକ୍ରମେ ପ୍ରଥମ ଓ ଦ୍ଵିତୀୟ ହୋଇଥିବାବେଳେ ସିନିୟର୍ ବିଭାଗରୁ କୁମାରୀ ଗାୟତ୍ରୀ ରାଉତ ଓ କ୍ରିସ୍ ବେହେରା ପ୍ରଥମ ଓ ଦ୍ବିତୀୟ ଭାବରେ ପୁରସ୍କୃତ ହୋଇଥିଲେ।
କୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀ ଗୁରୁବାର ବରଗଡ଼ ବିଜ୍ଞାନ ସେଣ୍ଟରରେ ହେବାକୁଥିବା ଜିଲ୍ଲା ସ୍ତରୀୟ କୁଇଜ୍ ପ୍ରତିଯୋଗିତାରେ ଭାଗନେବେ। ସମସ୍ତ ଅତିଥିମାନେ କୃତୀ ପ୍ରତିଯୋଗୀଙ୍କୁ ଶୁଭେଚ୍ଛା ଜଣାଇବା ସହ ଅନ୍ୟ ପ୍ରତିଯୋଗୀ ମାନଙ୍କୁ ଆହୁରି ପରିଶ୍ରମ କରିବା ପାଇଁ ପରାମର୍ଶ ଦେଇଥିଲେ।ପରିଶେଷରେ ସୁଶ୍ରୀ ପ୍ରୀତି ରଶ୍ମି ସେଠ୍ ଧନ୍ୟବାଦ ଅର୍ପଣ କରିଥଲେ।
