ବରପାଲି-ବରପାଲି ସରକାରୀ ଏନ ଏ ସି ହାଇସ୍କୁଲ ପରିସରରେ ବ୍ଲକ ସ୍ତରିୟ ସି.ସି.ଏଚ ମାନଙ୍କୁ ନେଇ ପି.ଏମ ପୋଷଣ ତଥା ବିଭିନ୍ନ ଦିଗକୁ ନେଇ ତାଲିମ ଶିବିର ଅନୁଷ୍ଠିତ ହୋଇଯାଇଛି l ଶିବିର କାର୍ଯ୍ଯକ୍ରମ ବ୍ଲକ ଏ.ବି.ଇ.ଓ ରତ୍ନାକର ଭୋଇ ଓ ପ୍ରଧାନଶିକ୍ଷକ ମନୋଜ ବାରିକ ସହ ଆର ପି କ୍ଷେତ୍ର ମେହେର,ମିଥୁନ ସାହୁ,ରବି ନାରାୟଣ ମହାପାତ୍ର,ଉତ୍ତମ ଦେହୁରୀ, ରାଜେନ୍ଦ୍ର ମେହେର ସହ ଶ୍ରୀନିବାଶ ପଧାନଙ୍କ ଦ୍ୱାରା ପରିଚାଳିତ ହୋଇଥିଲା। ପାଚିକା ଓ ସହାୟିକା ମାନଙ୍କୁ ଆପ୍ରନ ଟୋପିର ବ୍ୟବହାର ସହ ସ୍ୱଚ୍ଛତା ଏବଂ ବିଭିନ୍ନ ଦିଗ ଉପରେ ଆଲୋଚନା ମାଧ୍ୟମରେ ତାଲିମ ଦେଇଥିଲେ ।
ଏହା ସହ ପାଚିକା ମାନଙ୍କ ଦ୍ୱାରା ପ୍ରସ୍ତୁତ ପୌଷ୍ଟିକ ଖାଦ୍ୟର ଏକ ପ୍ରଦର୍ଶନୀ ଆୟୋଜିତ ହୋଇଥିଲା । ଉତ୍କୃଷ୍ଟ ଖାଦ୍ୟ ହୋଇଥିବା ପାଚିକା ମାନଙ୍କୁ ପୁରସ୍କୃତ ମଧ୍ୟ କରାଯାଇଥିଲା । ତାଲିମ ଶେଷରେ ସମସ୍ତ ପାଚିକା ମାନଙ୍କୁ ସାର୍ଟିଫିକେଟ ପ୍ରଦାନ ପରେ କାର୍ଯ୍ୟକ୍ରମ ସମାପନ ହୋଇଥିଲା। ବ୍ଲକ ଶିକ୍ଷା ଅଧିକାରୀ ମୁକୁନ୍ଦ ମାହାରଙ୍କ ଉତଯାପନୀ ଭାଷଣ ସହ ରତ୍ନାକର ଭୋଇ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
