ଅତାବିରା(ସୁରେନ୍ଦ୍ର କଠାର)-ଅତାବିରା ଉଚ୍ଚ ବିଦ୍ୟାଳୟ ଠାରେ ବ୍ଲକ୍ ସ୍ତରୀୟ ସୁରଭି ୨୦୨୪ ଆୟୋଜନ ପାଇଁ ଏକ ପ୍ରାକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଗୋଷ୍ଠୀ ଶିକ୍ଷା ଅଧିକାରୀ ସୁଶ୍ରୀ ମିଶ୍ରାଣୀ କୁମ୍ଭାର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ମଞ୍ଚାସିନ ଥିଲେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ କାର୍ତ୍ତିକ ବାଗ ଏବଂ ଅତାବିରା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ମନୋଜ ହରିପାଲ । ପ୍ରଥମେ ଗୋଷ୍ଠୀ ଶିକ୍ଷା ଅଧିକାରୀ ମହଶୟା ବୈଠକର ଉଦ୍ଦେଶ୍ୟ ଜ୍ଞାପନ କରିଥିଲେ ।
ସି.ଆର.ସି.ସି. ତ୍ରିଲୋଚନ ସେଠ୍ ପୂର୍ବ ବର୍ଷର ବିବରଣୀ ପଠନ କରିଥିଲେ । ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ କାର୍ତ୍ତିକ ବାଗ ଚଳିତ ବର୍ଷ ସୁରଭି ସଫଳତାର ସହ ଆୟୋଜନ କରିବା ପାଇଁ ନିଜେ ସୁମତାମତ ଦେବା ସହ ଅନ୍ୟ ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଙ୍କ ମତାମତ ଲୋଡିଥିଲେ । ସର୍ବ ସମ୍ମତି କ୍ରମେ ଚଳିତ ଶିକ୍ଷାବର୍ଷ ର ସୁରଭି ଆସନ୍ତା ଅକ୍ଟୋବର ଏକ ତାରିଖରେ ଜନତା ଉଚ୍ଚ ବିଦ୍ୟାଳୟ ଗୋଡ଼ଭଗା ଠାରେ କରିବା ପାଇଁ ସ୍ଥିର କରାଗଲା ।
ଏଥିରେ ପ୍ରଧାନ ଶିକ୍ଷକ ହିମାଂଶୁ ଶେଖର ସାହୁ,ପୂର୍ଣ୍ଣଚନ୍ଦ୍ର ବେହେରା,ମଧୁସୂଦନ ନାଏକ,ପ୍ରମୋଦ ମେହେର ,ସନ୍ତୋଷ କର ଏବଂ ସି.ଆର.ସି.ସି. ନନ୍ଦିଘୋଷ ଭୁଏ,କେଶବ ଛନ୍ଦ,ଧରମ ନାଏକ ପ୍ରମୁଖ ସହଯୋଗ କରିଥିଲେ । ଶେଷରେ ପ୍ରଧାନ ଶିକ୍ଷକ ମନୋଜ ହରିପାଲ ଧନ୍ୟବାଦ୍ ପ୍ରଦାନ କରିଥିଲେ ।
