ବରପାଲି-ବରପାଲି ବ୍ଲକ ବୁରୋମୁଣ୍ତା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ବ୍ଲକସ୍ତରୀୟ ବାଳ ବୈଜ୍ଞାନିକ ପ୍ରଦର୍ଶନୀ ଓ ଜାତିୟ ଆବିଷ୍କାର ଅଭିଯାନ ଅନୁଷ୍ଠିତ ହୋଇଯାଇଛି । ମଙ୍ଗଳବାର ପୁର୍ବାହ୍ନରେ ବିଜେପୁର ବିଧାୟକ ସନତ ଗଡତିୟା ଆନୂଷ୍ଠାନିକ ଭାବେ କାର୍ଯ୍ୟକ୍ରମକୁ ଉଦଘାଟନ କରିଥିଲେ। ସମ୍ମାନିତ ଅତିଥି ଭାବରେ ଜିଲ୍ଲା ଶିକ୍ଷା ଅଧିକାରୀ ରାଧାକାନ୍ତ ଛତ୍ରି,ଡିଏସଏସ ଧିରୋଜ ପଟ୍ଟନାଏକ ପ୍ରମୁଖ ଯୋଗ ଦେଇଥିଲେ।
ଗୋଷ୍ଠି ଶିକ୍ଷାଧିକାରୀ ମକୁନ୍ଦ ମାହାରଙ୍କ ଅଧ୍ୟକ୍ଷତାରେ କାର୍ଯ୍ଯକ୍ରମ ପରିଚାଳିତ ହୋଇଥିଲା। ଆୟୋଜିତ ପ୍ରଦର୍ଶନୀରେ ବିଭିନ୍ନ ସ୍କୁଲର ୧୪୦ଟି ପ୍ରକଳ୍ପ ସ୍ଥାନ ପାଇଥିବା ବେଳେ ଆବିସ୍କାର ଅଭିଯାନ ବିଭାଗରେ ୨୭ଟି ଊଚ୍ଚମାନର ପ୍ରକଳ୍ପ ଛାତ୍ରଛାତ୍ରୀ ମାନଙ୍କ ଦ୍ଵାରା ପ୍ରଦର୍ଶିତ ହୋଇଥିଲା।
