ଅତାବିରା(ସୁରେନ୍ଦ୍ର କଠାର)-ଅତାବିରା ବ୍ଲକ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ବୁଗବୁଗା ଠାରେ ବୁଗବୁଗା କ୍ଲଷ୍ଟର ସ୍ତରୀୟ ନିପୁଣ ମେଳା ଅନୁଷ୍ଠିତ ହୋଇ ଯାଇଅଛି । ସି.ଆର.ସି.ସି. ନନ୍ଦିଘୋଷ ଭୁଏଙ୍କ ସଭାପତିତ୍ବରେ ଅନୁଷ୍ଠିତ ନିପୁଣ ମେଳାରେ ମୁଖ୍ୟ ଅତିଥି ଭାବରେ ବୁଗବୁଗା ଗ୍ରାମ ପଞ୍ଚାୟତର ସରପଞ୍ଚ ଶେଷଦେବ ଛନ୍ଦ , ସ୍ଥାନୀୟ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ମଞ୍ଜୁଲତା ବେହେରା, ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଜମଟିକ୍ରାର ପ୍ରଧାନ ଶିକ୍ଷକ ସନ୍ତୋଷ ଭୁଏ ମଞ୍ଚାସିନ ଥିଲେ ।
ଏହି କାର୍ଯ୍ୟକ୍ରମରେ ସମସ୍ତ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଥମ ,ଦ୍ଵିତୀୟ ଓ ତୃତୀୟ ଶ୍ରେଣୀର ଛାତ୍ର ଛାତ୍ରୀ,ଶିକ୍ଷକ ଶିକ୍ଷୟିତ୍ରୀ ତଥା ଅଭିଭାବକ ଅଭିଭାବିକା ଯୋଗଦାନ କରିଥିଲେ । ଏହି ଅବସରରେ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ଦାୟିତ୍ୱରେ ଥିବା ଶିକ୍ଷକ ଶିକ୍ଷୟିତ୍ରୀ ଙ୍କ ଦ୍ଵାରା ଅଭିନବ ଶିକ୍ଷଣ ସାମଗ୍ରୀ ପ୍ରଦର୍ଶନ କରାଯାଇ ଥିଲା । ଛାତ୍ର ଛାତ୍ରୀ ମାନଙ୍କୁ ଖେଳ ,ଗୀତ ଓ ଧନ୍ଦା ମାଧ୍ୟମରେ ଶିକ୍ଷଣ ଶିକ୍ଷାଦାନ ଦିଆ ଯାଇଥିଲା ।
ଅଭିଭାବକ ଅଭିଭାବିକା ମାନଙ୍କ ସହ ନିପୁଣ ଓଡ଼ିଆ କାର୍ଯ୍ୟକ୍ରମ ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରାଯାଇଥିଲା । ମଞ୍ଚ ପରିଚାଳନା କରିଥିଲେ ଶିକ୍ଷକ ମୁକେଶ ଭୋଷାଗର । ଏହି କାର୍ଯ୍ୟକ୍ରମରେ ବିଦ୍ୟାଳୟର ଚେୟାରମେନ ପ୍ରଦୀପ କୁମାର ଛନ୍ଦ,ଶିକ୍ଷକ ଜଗମୋହନ ଭୁଏ,ତରଣୀ ସେନ ପଧାନ,ବିଭୂତି ଭୂଷଣ ମହାକୁର,ସଞ୍ଜୟ ମେହେର ଏବଂ ଶିକ୍ଷୟିତ୍ରୀ ମଥୁରା ପଧାନ, ଆଶା ବାରିକ, ହେମାଗ୍ନି ଅଦାବର , ତେଜସ୍ଵୀନି ପ୍ରଧାନ ସହଯୋଗ କରିଥିଲେ ।
