ଗାଇସିଲେଟ-ବରଗଡ଼ ଜିଲ୍ଲା ଗାଇସିଲେଟ ବ୍ଲକ ଫିରିଙ୍ଗିମାଲ ଗ୍ରାମପଞ୍ଚାୟତ ଅନ୍ତର୍ଗତ ବାବେବହାଲ ଗ୍ରାମରେ ବି.ଆର.ସି.ଟି କ୍ରିକେଟ କ୍ଲବ ଆନୁକୁଲ୍ୟରେ ଆୟୋଜିତ ଦୁଇ ଦିବସୀୟ ଗ୍ରାମାଞ୍ଚଳ ରାତ୍ର କ୍ରିକେଟ ଟୁର୍ଣ୍ଣାମେଣ୍ଟ ସ୍ଥାନୀୟ ଖେଳପଡିଆଠାରେ ୨୭ ତାରିଖ ରୁ ଆରମ୍ଭ ହୋଇ ୨୮ ତାରିଖରେ ଉଦଯାପିତ ହୋଇଯାଇଛି । ଏହି ଟୁର୍ଣ୍ଣାମେଣ୍ଟର ପ୍ରଥମ ଦିବସରେ ମୁଖ୍ୟଅତିଥି ଭାବରେ ବ୍ଲକ ଅଧ୍ୟକ୍ଷ ପ୍ରଣୟ କୁମାର ସାହୁ ଏବଂ ସମାଜସେବୀ ରଞ୍ଜନ ପଣ୍ଡା ଯୋଗଦେଇ ଉଦଘାଟନ କରିଥିବା ବେଳେ ଫାଇନାଲ ମ୍ୟାଚରେ ମୁଖ୍ୟ ଅତିଥି ଭାବରେ ଗୌନ୍ତିଆ ପ୍ରଫୁଲ୍ଲ ଡନସନା ଯୋଗ ଦେଇଥିଲେ ।

ମୋଟ ୩୨ ଗୋଟି ଦଳ ଏହି ଟୁର୍ଣ୍ଣାମେଣ୍ଟରେ ଭାଗ ନେଇଥିବା ବେଳେ ଶୁଖା ଓ ରେଙ୍ଗାଲି ଦଳ ଫାଇନାଲ ମ୍ୟାଚ୍ କୁ ଉନ୍ନୀତ ହୋଇଥିଲେ । ଫାଇନାଲ ମ୍ୟାଚ ରେ ଟସ୍ ଜିତି ପ୍ରଥମେ ସୁଖା କ୍ରିକେଟ କ୍ଲବ ନିର୍ଦ୍ଧାରିତ ୬ ଓଭର ରେ ୪ ଉଇକେଟ ହରାଇ ୯୧ ରନ୍ କରିଥିଲା ଜବାବ ରେ ରେଙ୍ଗାଲି କ୍ରିକେଟ କ୍ଲବ ୮ ଉଇକେଟ ହରାଇ ୬୮ ରନ୍ କରିବାରେ ସକ୍ଷମ ହୋଇଥିଲା ।ଏହି ମ୍ୟାଚ୍ ସୁଖା ଦଳ ଅତି ସହଜରେ ଜିତି ଚମ୍ପିୟାନ ହୋଇଥିବା ବେଳେ ପରିଶେଷରେ ବିଜେତା ଦଳ କୁ ଟ୍ରଫି ସହ ୧୪ ହଜାର ଟଙ୍କା ରନର୍ସଅପ୍ ଦଳ ପାଇଁ ଟ୍ରଫି ସହ ୮ ହଜାର ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଥିଲା ।

ଅଶୋକ ବାରିକ, ଦେବାନନ୍ଦ ସାଣ୍ଢ ଅମ୍ପାୟର ଭାବେ ଖେଳ ପରିଚାଳନା କରିଥିବା ବେଳେ ସୁଶାନ୍ତ ପୁରୋହିତ,ନରେନ୍ଦ୍ର ପ୍ରଧାନ ସ୍କୋରର ଭାବରେ ଦାୟିତ୍ଵ ତୁଲାଇଥିଲେ । ମନୋଜ,ସୁଶାନ୍ତ,ମହେନ୍ଦ୍ର,ରାଜୀବ, ଚିକୁନ,ଶୁଭମ ଓ ସୁମନ ଧାରା ବିବରଣୀ ପ୍ରଦାନ କରିଥିଲେ । ମହେନ୍ଦ୍ର ବାରିହ ଓ ବିରେନ୍ଦ୍ର ବାରିକଙ୍କ ନେତୃତ୍ୱରେ ବି.ଆର.ସି.ଟି କ୍ରିକେଟ କ୍ଲବ ର ସମସ୍ତ ସଦସ୍ୟ ଙ୍କ ସହଯୋଗରେ ଟୁର୍ଣ୍ଣାମେଣ୍ଟଟି ସଫଳ ହୋଇଥିଲା ।


