ପାଇକମାଲ-ଗୁରୁବାର ତଥା ମାର୍ଚ୍ଚ ୨୦ ତାରିଖ ଥିଲା ବିଶ୍ବ ଘରଚଟିଆ ଦିବସ । ୨୦୧୦ ମସିହାରୁ ଭାରତରେ ପ୍ରଥମ ଥରରେ ବିଶ୍ବ ଘରଚଟିଆ ଦିବସ ପାଳିତ ହୋଇଥିଲା। ଘରଚଟିଆର ସୁରକ୍ଷା ସଚେତନତା ପାଇଁ ପ୍ରତି ବର୍ଷ ପାଲିତ ହୁଏ। ଘର ଚଟିଆ ବେଳେ ଛୁଆରୁ ବୟସ୍କ ସମସ୍ତ ଜାଣନ୍ତି। ଘରଚଟିଆ ଏକ ଛୋଟ ପକ୍ଷୀ ହେଲେ ବି ପ୍ରକୃତି ଓ ସମାଜ ପାଇଁ ତାର ଅବଦାନ ଅତୁଳନୀୟ। ଘରେ ଚାଳ ଛପର ଘର ରହୁବାକୁ ପସନ୍ଦ କରୁଥିବା ଏହି ପକ୍ଷୀ ନିଜେ ରହିବା ପାଇଁ ଘର ଖୋଜୁଛି। ଏହି ପକ୍ଷୀ ଧିରେ ଧିରେ ବିଲୁପ୍ତ ହେବାକୁ ଯାଉଛି। ସମୟ ଥିଲା ପ୍ରତ୍ୟେକ ଚାଳ ଛପର ଘର ବସା କରି ତାର କିଚିରି ମିଚିରରେ ଶବ୍ଦ ଘର ଫାଟିପଡୁଥିଲା ।
ଘର ପିଣ୍ଡାରେ ବସି ଜେଜେବାପା ତା ନାତିନାତୁଣୀକୁ ଘରଚଟିଆ ଦେଖାଇ ନାତିନାତୁଣୀ କାନ୍ଦୁଥିଲେ ବୁଝାଉଥିଲେ । ଏବେ ସେହି ସମୟ ନାହିଁ କି ଚଟିଆ କିଚିରି ମିଚିର ଶବ୍ଦ ନାହଁ। ନୂତନ ପିଢିର ଛୁଆମାନେ ଆଉ ଘରଚଟିଆ ସହ ପରିଚିତ ହୋଇ ପାରୁନାହାନ୍ତି। ପାଇକମାଳ ବ୍ଳକ ମାଣ୍ଡୋସିଲ ଗାଁର ଘରଚଟିଆ ପ୍ରେମରେ ପଡିଛନ୍ତି ଭୋଜରାଜ ବୁଡେକ ଓ ତାଙ୍କ ପତ୍ନୀ।ଶ୍ରୀ ବୁଡ଼େକ ଜଣେ ଅବସରପ୍ରାପ୍ତ ଶିକ୍ଷକ ତଥା କବି ଭାବରେ ବେଶ ଜଣାଶୁଣା।ପରିଣତ ବୟସରେ ବି ଘରଚଟିଆକୁ ନିଜ ଘର ସଦସ୍ୟ ଭାବି ଆଦରୀୟ ନେଇଛନ୍ତି।
ପ୍ରତ୍ୟେକ ଦିନ ସକାଳ ଓ ସଞ୍ଜରେ ତାଙ୍କ ଘର ଘରଚଟିଆମାନଙ୍କ କିଚିରି ମିଚିର ଭାବରେ ଘର ଦ୍ଵାର ଫାଟି ପଡେ । ଘରଚଟିଆ ଆଲାରାମ ଘଣ୍ଟା ପରି ସକାଳ ହେଲା ବୋଲି କିଚିରି ମିଚିର ଶବ୍ଦ କରନ୍ତି ବୋଲି ବୁଡ଼େଇ ଦମ୍ପତି କହନ୍ତି। ପ୍ରତ୍ୟେକ ଦିନ ସକାଳୁ ଘରଚଟିଆଙ୍କୁ ଧାନ କୁଦ ଦିଅନ୍ତି ଓ ପାଣି ମଧ୍ୟ ଦିଅନ୍ତୁ। ତାଙ୍କ ଘରେ ପାଖାପାଖି ୧୦୦ରୁ ଉର୍ଦ୍ଧ ଘର ଚଟିଆ ରହନ୍ତି।
ଘରଚଟିଆ ଧିରେ ଧିରେ ବିଲୁପ୍ତ ହେବା କାରଣ ଆଉ ଆଗ ଭଳିଆ ଚାଲଛପର ଘର ନାହଁ, ବହୁ ମାତ୍ରାରେ କୀଟନାଶକ ବ୍ୟବହାର ତା ସହିତ ମୋବାଇଲ ଓ ଟିଭି ଟାଓ୍ବାର ବିକିରଣ ହେତୁ ଧିରେ ଧିରେ ବିଲୁପ୍ତ ହେଇ ଯାଉଛି ବୋଲି ବୁଡ଼େକ ଦମ୍ପତି କହିଛନ୍ତି। ସେଥିପାଇଁ ଆମେ ସଚେତନତା ହୋଇ ପକ୍ଷୀକୁ କିପରି ସଂରକ୍ଷଣ କରିବା ଏଦିଗରେ ସରକାରୀ ସଚେତନତା କାର୍ଯ୍ୟକ୍ରମ କରି ସଚେତନତା ଉଚିତ ବୋଲି ଦୁହେଁ ଦାବି କରିଛନ୍ତି।
