ପଦ୍ମପୁର-ବରଗଡ଼ ଜିଲ୍ଲା ପଦ୍ମପୁର ବ୍ଳକ ଅନ୍ତର୍ଗତ ବିରିପାଲି ଗ୍ରାମରେ ସଂକ୍ରାନ୍ତି କମିଟି ତରଫରୁ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ଦୀର୍ଘ ବର୍ଷ ଧରି ପ୍ରତ୍ୟେକ ସଂକ୍ରାନ୍ତିରେ କମିଟି ତରଫରୁ ବିରିପାଲି ଶିବମନ୍ଦିର ରେ ସଂକ୍ରାନ୍ତି ପାଳନ ହୋଇ ଆସୁଛି । ଏଥିରେ ଅନେକ ଗୁଡ଼ାଏ ଗ୍ରାମ ତଥା ବିରିପାଲି,ବେହେରାଟାଲ,ଅନ୍ତର୍ଲା, ଲୁହାଖେନ, ବୁଡ଼ାମାଲ,ଡଙ୍ଗରମୁଣ୍ଡା, କୁଲିଆରୀ ଆଦି ଗ୍ରାମର ଅନେକ ଭକ୍ତ ସଂକ୍ରାନ୍ତି ଦିନ ଯୋଗ ଦେଇ ଭାଗବତ ପଠନ,ଭଜନ କୀର୍ତ୍ତନ ଆଦି କରି ରାତ୍ର ଉଜାଗର ରୁହନ୍ତି ।
ଏହାର ଏକ ମାତ୍ର ଉଦ୍ଧେଶ୍ୟ ହେଉଛି ଏହି ଅଞ୍ଚଳରେ ଆଧ୍ୟାତ୍ମିକ ଚିନ୍ତା ଚେତନାକୁ ବଞ୍ଚାଇ ରଖିବା ପାଇଁ । ତେବେ ପ୍ରତି ବର୍ଷ ଭଳି ଏ ବର୍ଷ ମଧ୍ୟ କମିଟି ତରଫରୁ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇ ଯାଇଛି । ସଭାପତି କରୁଣାକର ସାହୁଙ୍କ ସଭାପତିତ୍ବରେ ଏକ ବୈଠକ ଅନୁଷ୍ଠିତ ହୋଇଥିଲା ଉକ୍ତ ବୈଠକରେ ଶିବ ମନ୍ଦିର ର ରକ୍ଷଣା ବେକ୍ଷଣ ବିଷୟରେ ଆଲୋଚନା ହୋଇଥିଲା ।
ଏହି କାର୍ଯ୍ୟକ୍ରମରେ କଟାବାହାଲ ଗ୍ରାମପଞ୍ଚାୟତ ସରପଞ୍ଚ ଅର୍ପିତା ପଣ୍ଡା ଓ ସମାଜ ସେବୀ ସୁଶାନ୍ତ ପଣ୍ଡା ଯୋଗ ଦେଇଥିବା ବେଳେ ସମ୍ପାଦକ ପିତବାସ ମେହେର,କୋଷାଧ୍ୟକ୍ଷ ଶିବ ପ୍ରସାଦ ମାଝୀ,ଶଙ୍କର ବେହେରା,ବିଭୂତି ଦାଶ,ନେହେରୁ ମେହେର, ମୁରଲି ମାଝି, ଧନି ବରିହା,ଲୋକନାଥ ସେଠ,ଶାନ୍ତି ମେହେର,ଜୟ ଜଗନ୍ନାଥ ମହିଳା ସଙ୍କୀର୍ତ୍ତନ ମଣ୍ଡଳୀର ସଦସ୍ୟ,ସଦସ୍ୟା ପ୍ରମୁଖ ଯୋଗ ଦେଇଥିଲେ । ପରିଶେଷରେ ଟୁନୁଚନ୍ଦ୍ର ବେହେରା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
