ପଦ୍ମପୁର – ବରଗଡ ଜିଲ୍ଲା ପଦ୍ମପୁର ଉପଖଣ୍ଡ କନସିଂହ। ପଞ୍ଚାୟତ ଅନ୍ତର୍ଗତ ସାରାସମାଲ ଗ୍ରାମରେ ତ୍ରିରଙ୍ଗା ଯୁବକ ସଂଘ ଦ୍ଵାରା ଗଠିତ ବିମଲ କୃଷକ ଉତ୍ପାଦନ କମ୍ପାନୀ ଲିମିଟେଡ଼ର ଷଷ୍ଠ ତମ ସାଧାରଣ ବାର୍ଷିକ ବୈଠକ ଅନୁଷ୍ଠିତ ହୋଇଯାଇଛି l ଏହି ଅବସରରେ ଏହାର ନବ ନିର୍ମିତ ଗୋଦାମ ଗୃହର ଶୁଭ ଉଦଘାଟନ ମୁଖ୍ୟ ଅତିଥି ବରଗଡ ସାଂସଦ ପ୍ରଦୀପ ପୁରୋହିତଙ୍କ କରକମଳରେ କରାଯାଇଥିଲା ।
ଏହି ଉତ୍ସବରେ ସମ୍ମାନୀତି ଅତିଥି ଭାବେ ମୁଖ୍ୟ ଜିଲ୍ଲା କୃଷି ଅଧିକାରୀ ଶ୍ରୀଯୁକ୍ତ ପ୍ରସନ୍ନ ମିଶ୍ର, କୃଷି ଜିଲ୍ଲା ଅଧିକାରୀ ଶ୍ରୀ ପ୍ରଭାସ ପଣ୍ଡା, ତ୍ରିରଙ୍ଗା ଯୁବକ ସଙ୍ଘର ମୁଖ୍ୟ ସମ୍ପାଦକ ଶ୍ରୀ କୈଳାସ ଚନ୍ଦ୍ର ସାହୁ ଏବଂ ସଭାପତି ଶ୍ରୀ ହୃଦାନନ୍ଦ ନାୟକ, ଭିତ୍ତିଭୂମି ସେବା ସଂଘଠନର ସମ୍ପାଦକ ଶ୍ରୀ ସରୋଜ ମହାନ୍ତି,ଉଦ୍ୟାନ ଭିଭାଗ ଅଧିକାରୀ, ଓପିକ୍ରାର ଅଧିକାରୀ ଏବଂ ବିମଲ କୃଷକ ଉତ୍ପାଦନ କମ୍ପାନୀ ଲିମିଟେଡ଼ର ନିର୍ଦେଶକ ମଣ୍ଡଳୀ ଆଦି ପ୍ରମୁଖ ଯୋଗଦାନ କରିଥିଲେ l
ଏହି ବୈଠକରେ ବିମଲ ପରିଚାଳନା ନିର୍ଦେଶକ ଅଶୋକ ସାହୁ ମଞ୍ଚ ପରିଚାଲନା କରିଥିଲେ ଏବଂ ଶ୍ରୀ ତରଣୀ ସେନ ଙ୍କ ଦ୍ଵାରା ବାର୍ଷିକ ବିବରଣୀ ପଠନ କରାଯାଇଥିଲା l ଏହି ଉତ୍ପାଦକ ଉତ୍ସବରେ ୫୦୦ ରୁ ଉର୍ଦ୍ଧ ଚାଷୀ ଏବଂ କମ୍ପାନୀର ଆସିଥିବା ସଭ୍ୟ ସଭ୍ୟା,ତ୍ରିରଙ୍ଗା ଯୁବକ ସଙ୍ଘ ସଭ୍ୟ,ସି.ଆର.ପି ଉପସ୍ଥିତ ଥିଲେ ।
