ବିନା ନିମନ୍ତ୍ରଣରେ ଯିବା ବିଜେପି ପ୍ରାର୍ଥୀଙ୍କୁ ମହଙ୍ଗା ପଡିଲା ।

ବରଗଡ଼-ବରଗଡ଼ ଜିଲ୍ଲା ଭଟଲି ନିର୍ବାଚନ ମଣ୍ଡଳୀ ଅନ୍ତର୍ଗତ ସେହେଲା ବ୍ଲକ ପାଣିମୋରା ପଂଚାୟତ କୁଶୁର୍ଡ଼ା ଗ୍ରାମରେ ମା କରମସାନୀ ମନ୍ଦିର ପ୍ରତିଷ୍ଠା ଉତ୍ସବ ଚାଲିଥିଲା । ଏହି ପ୍ରତିଷ୍ଠା ଉତ୍ସବରେ ମା’ଙ୍କ ଦର୍ଶନ ଆଳରେ ନିର୍ବାଚନୀ ପ୍ରଚାର ପାଇଁ ଆସିଥିବା ବିଜେପି ବିଧାୟକ ପ୍ରାର୍ଥୀ ଇରାଶିଷ ଆଚାର୍ଯ୍ୟ ଓ ବରଗଡ଼ ସାଂସଦ ପ୍ରାର୍ଥୀ ପ୍ରଦୀପ ପୁରୋହିତଙ୍କୁ ଗ୍ରାମବାସୀ ବିରୋଧ କରିଛନ୍ତି । ଫଳରେ ଉଭୟ ପ୍ରାର୍ଥୀ ଲୋକ ହସାର ଶିକାର ହୋଇଛନ୍ତି । ଏହା ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି ।

ଏହି ଘଟଣା ପରେ ସଂପୃକ୍ତ ନିର୍ବାଚନ ମଣ୍ଡଳୀରେ ବିଜେପି ପ୍ରାର୍ଥୀଙ୍କୁ ନେଇ ସାଧାରଣ ଜନତାଙ୍କ ମଧ୍ୟରେ ବିରୋଧାଭାବ ପ୍ରଖର ଥିବା ରାଜନୈତିକ ମହଲରେ ଆଲୋଚନାର କେନ୍ଦ୍ରବିନ୍ଦୁ ପାଲଟିଛି ।

ପ୍ରାୟ ଦେଢ଼ ମିନିଟର ଏକ ଭିଡ଼ିଓରେ ଗ୍ରାମବାସୀ ବିଜେଡି ପ୍ରାର୍ଥୀ ତଥା ପୂର୍ବତନ ମନ୍ତ୍ରୀ/ ବିଧାୟକ ସୁଶାନ୍ତ ସିଂଙ୍କ ଜୟ ଜୟ କାର କରି ନାରା ବାଜି କରୁଥିବା ଜଣାପଡୁଛି । ତେବେ ବିନା ନିମନ୍ତ୍ରଣରେ ଏତିକି ତ୍ ଆଗକୁ ଆଉ କେତେ ବୋଲି ସାଧାରଣରେ ଆଲୋଚନା ହେଉଛି ।