ବିଜେପୁର-ବିଜେପୁର ବ୍ଲକ ଡ୍ରାଇଭର ମହାସଂଘ ଆଜି ଏକ ବିରାଟ ପଟୁଆରରେ ବାହାରି ବିଜେପୁର ସହର ପରିକ୍ରମା କରି ନବନିର୍ବାଚିତ ବିଧାୟକ ଶ୍ରୀମାନ ସନତ କୁମାର ଗଡତୀୟାଙ୍କ ବାସ ଭବନକୁ ଯାଇ ଫୁଲତୋଡ଼ା ସହ ଉପଢୌକନ ଦେଇ ଅଭିନନ୍ଦନ ଜଣାଇଥିଲେ।ଏଇ କ୍ରମରେ ବରଗଡ଼ ଜିଲ୍ଲା ଡ୍ରାଇଭର ମହାସଂଘର କର୍ମକର୍ତ୍ତାଙ୍କ ଉପସ୍ଥିତ ପରିଲକ୍ଷିତ ହୋଇଥିଲା।ପ୍ରଥମେ ସ୍ଥାନୀୟ ବସଷ୍ଟାଣ୍ଡ ଠାରୁ ପଟୁଆର ବାହାରି ସହର ଅଭିମୁଖେ ଯିବା ସମୟରେ ବିଜେପୁର ପୋଲିସ ସହ କିଛି ବଚସା ହୋଇଥିବାର ଜଣାପଡିଛି।
ସାଉଣ୍ଡ ବକ୍ସ କୁ ନେଇ ଏଇ ବଚସା ଉପୁଜିଥିବା ପୋଲିସ୍ କହିଥିବା ବେଳେ, ଏନେଇ ଡ୍ରାଇଭର ମହାସଂଘ ଗତରାତିରେ ଲିଖିତ ଭାବେ ଆମେ ଏକ ଶୋଭାଯାତ୍ରା ବାହାର କରି ସହର ଅଭିମୁଖେ ଯିବୁ ବୋଲି ପୋଲିସ କୁ ଜଣାଇଥିଲେ। ଏଭଳି ଅଭାବନୀୟ ପରିସ୍ଥିତିର ଖବର ପାଇଲା ପରେ ବିଧାୟକ ଶ୍ରୀ ଗଡତୀୟା ତୁରନ୍ତ ବରଗଡ଼ ଜିଲ୍ଲା ଏସ.ପି ଙ୍କ ନଜର କୁ ଆଣିଥିଲେ।ପରେ ସ୍ଥାନୀୟ ପୋଲିସ ଅନୁମତି ଦେଲାପରେ ଡ୍ରାଇଭର ମହାସଂଘର ପଟୁଆରଟି ସହର ଅଭିମୁଖେ ଅଗ୍ରସର ହୋଇ ବିଧାୟକଙ୍କ ବାସ ଭବନରେ ଯାଇ ପହଞ୍ଚିଥିଲା। ସେଠାରେ ବିଧାୟକଙ୍କୁ ବହୁ ଉଲ୍ଲସିତ ହୋଇ ମହାସଂଘ ପକ୍ଷରୁ ପୁଷ୍ପଗୁଚ୍ଛ ସହ ଉପଢ଼ୌକନ ଦେଇ ଅଭିନନ୍ଦନ ସହ ଶୁଭେଚ୍ଛା ଜଣାଇଥିଲେ।
ସମସ୍ତ ଡ୍ରାଇଭର ଭାଇମାନଙ୍କୁ ସମ୍ମାନ ଜଣାଇ ବିଧାୟକ ମହାଶୟ ତାଙ୍କ ବାସ ଭବନ ସ୍ଥିତ ମିଟିଂ ହଲକୁ ଡାକି ନେଇଥିଲେ । ସେଠାରେ ଡ୍ରାଇଭର ମହାସଂଘର କର୍ମକର୍ତ୍ତାଙ୍କ ସହ ସେମାନଙ୍କ ବିଭିନ୍ନ ସମସ୍ୟା ଉପରେ ବିଶେଦ ଆଲୋଚନା ହୋଇଥିଲା। ଶେଷରେ ଡ୍ରାଇଭର ମହାସଂଘର ବିଭିନ୍ନ ସମସ୍ୟାକୁ ଦୃଷ୍ଟିରେ ରଖି ମୁଁ ସଦାବେଳେ ଆପଣ ମାନଙ୍କ ପଛରେ ଅଛି।ଦରବେଳେ ମୁଁ ଆଲୋଚ୍ୟର ସମସ୍ୟା ଉପରେ ବିଧାନସଭାରେ ଉତ୍ଥାପନ କରିବି ବୋଲି ଦୃଢ ପ୍ରତିଶ୍ରୁତି ପ୍ରଦାନ କରିଛନ୍ତି।
