ବରଗଡ଼-ସ୍ଥାନୀୟ ବାପୁଜୀ ସ୍ୱତନ୍ତ୍ର ବିଦ୍ୟାଳୟ ଠାରେ ଦେଶର ଦୁଇ ବରପୁତ୍ର ବୀର ସୁରେନ୍ଦ୍ର ସାଏ ଏବଂ ନେତାଜୀ ସୁବାଷ ଚନ୍ଦ୍ର ବୋଷଙ୍କ ଜନ୍ମ ଜୟନ୍ତୀ ପାଳିତ ହୋଇଯାଇଛି l ମାନସିକ ଅନାଗ୍ରସର ବିଦ୍ୟାଳୟର ପ୍ରଧାନ ଶିକ୍ଷକ ମେଘନାଦ ସାହୁଙ୍କ ସଂଯୋଜନାରେ ଅନୁଷ୍ଠିତ ଉକ୍ତ ସଭାରେ ଅଞ୍ଚଳ ବିଶିଷ୍ଟ ସ୍ତ୍ରୀ ଓ ପ୍ରସୂତି ବିଭାଗର ଡା. ଶକ୍ତି କୁମାର ତ୍ରିପାଠୀ ମୁଖ୍ୟ ଅତିଥି ଭାବରେ ଯୋଗଦେଇ ଥିବା ବେଳେ ପାୱାର ଅଫ ଦିବ୍ୟାଙ୍ଗ ର ଉପ ସଭାପତି ଅଶୋକ ଅଗ୍ରୱାଲ, ସମାଜସେବୀ ତାରାକାନ୍ତ ପଧାନ, ବିଦ୍ୟାଳୟ ପରିଚାଳନା କମିଟି ର ବରିଷ୍ଠ ସଦସ୍ୟ ସମାରୁ ପଧାନ, ଦୂରଦର୍ଶନର ରିପୋର୍ଟର ତଥା ଗଣଦୃଷ୍ଟି ୟୁଟୁପ ଚେନାଲ ର ମୁଖ୍ୟ ଉମେଶ ବିଶ୍ୱାଳ, ବଧିର ବିଦ୍ୟାଳୟ ର ପ୍ରଧାନ ଶିକ୍ଷକ କିଶୋର ଚନ୍ଦ୍ର ସାହୁ ମଞ୍ଚାସିନ ଥିଲେ l
ଦୃଷ୍ଟିବାଧିତ ଛାତ୍ରୀମାନଙ୍କ ଦ୍ଵାରା ସ୍ୱାଗତ ସଂଗୀତ ଗାନ ପରେ ମହାପୁରୁଷ ଦ୍ବୟଙ୍କ ଫଟୋ ଚିତ୍ର ସମ୍ବୁଖରେ ଅତିଥିଗଣ ଙ୍କ ଦ୍ୱାରା ପୂଜାର୍ଚନା ଓ ପୁଷ୍ପମାଲ୍ୟ ଅର୍ପଣ ପରେ ପ୍ରଧାନ ଶିକ୍ଷକ କିଶୋର ଚନ୍ଦ୍ର ସାହୁ ଉଦ୍ଦେଶ୍ୟ ଜ୍ଞାପନ ତଥା ଅତିଥି ପରିଚୟ ପ୍ରଦାନ ସହ ମହାପୁରୁଷ ଙ୍କ ସଂଗ୍ରାମୀ ଜୀବନ ବିଷୟରେ ଆଲୋକପାତ କରିଥିଲେ l ମୁଖ୍ୟ ଅତିଥି ଡା. ତ୍ରିପାଠୀ ଓଡିଶା ର ମହାନ ସଂଗ୍ରାମୀ ଦ୍ବୟଙ୍କ ତ୍ୟାଗ ବଳିଦାନକୁ ସ୍ମରଣ କରି ତାଙ୍କ ସଂଗ୍ରାମୀ ଜୀବନ ପ୍ରତି ଅନୁପ୍ରାଣିତ ହେବା ଉଚିତ ବୋଲି ନିଜର ମତ ପୋଷଣ କରିଥିଲେ l
କମିଟିର ସଦସ୍ୟ ଶ୍ରୀଯୁକ୍ତ ପଧାନ ଦେଶାତ୍ମବୋଧ ସଂଗୀତ ଗାନକରି ଛାତ୍ରଛାତ୍ରୀ ଙ୍କୁ ଦେଶ ଭକ୍ତିରେ ଭିଜେଇ ଦେଇଥିଲେ l ଅନ୍ୟ ମାନଙ୍କ ମଧ୍ୟରେ ବରିଷ୍ଠ ଶିକ୍ଷକ ନେପାଳ ଦୁଆନ ନିଜର ବକ୍ତବ୍ୟ ରଖିଥିବା ବେଳେ ଶିକ୍ଷକ ଦୁଃଖିସେବକ ସାହୁ ସାଂକେତିକ ଭାଷା ମାଧ୍ୟ୍ୟମରେ ଛାତ୍ରଛାତ୍ରୀ ଙ୍କୁ ତଥ୍ୟ ଉପସ୍ଥାପନ କରିଥିଲେ l ପରି ଶେଷରେ କାମଦେବ ବେହେରା ଧନ୍ୟବାଦ ଅର୍ପଣ କରିଥିଲେ l
