ବରପାଲି-ବରପାଲି ବ୍ଲକ ଶିକ୍ଷା ବିଭାଗ ପକ୍ଷରୁ ସ୍ଥାନିୟ ଏନ.ଏ.ସି ହାଇସ୍କୁଲ ପରିସରରେ ତ୍ରିଦିବସିୟ ବର୍ଣ୍ଣାଲି ଓ ବିଷୟ ଭିତ୍ତିକ ପ୍ରଶିକ୍ଷଣ ଶିବିର ଆୟୋଜିତ ହୋଇଯାଇଛି l ବ୍ଲକ ଶିକ୍ଷା ଅଧିକାରୀ ମୁକୁନ୍ଦ ମାହାରା ଓ ଏ ବି ଇ ଓ ଦୁର୍ଯୋଧନ ସିଂଙ୍କ ଦ୍ୱାରା ଉଦଘାଟିତ ହୋଇଥିଲା l ଗତ ଡିସେମ୍ବର ୯ ତାରିଖରୁ ଆରମ୍ଭ ହୋଇଥିବା ତାଲିମ ଶିବିର ବ୍ଳକର ଶିକ୍ଷକ ଓ ଶିକ୍ଷୟତ୍ରି ମାନଙ୍କୁ ନେଇ ପରିଚାଳିତ ହୋଇଥିଲା। ପ୍ରଶିକ୍ଷଣ ଶିବିରରେ ବ୍ଲକର ବିଭିନ୍ନ ସ୍କୁଲରୁ ଅଠାବନ ଓ ଚଉରାଲିସ ଜଣ ପ୍ରଶିକ୍ଷାର୍ଥି ଶିବିରରେ ସାମିଲ ହୋଇଥିଲେ l
ଭାଷାଭିତ୍ତିକ ତାଲିମ ମାଧ୍ୟମରେ କ୍ଷେତ୍ର ମେହେର ,ବିକାଶ ପଧାନ,ସୁଜିତ ପଟେଲ ଓ ଆନନ୍ଦ ବାରିକ ପ୍ରମୁଖ ପ୍ରଶିକ୍ଷକ ଭାବରେ ତାଲିମ ଦେଇଥିଲେ। ସେହିପରି ବର୍ଣାଳୀ ଉପରେ ମିଥୁନ ସାହୁ, ଶ୍ରୀନିବାସ ପଧାନ, ଧିରେନ ବିଶ୍ୱାଳ ଓ ଶୀତଳମଣି ନାଥ ସାହାଦେବ ପ୍ରଶିକ୍ଷକ ଭାବରେ ଶିବିରକୁ ପରିଚାଳନା କରିଥିଲେ l ଶିବିର ଅନ୍ତିମ ଦିବସରେ ଏବିଇଓ ରତ୍ନକୁମାର ଭୋଇ ଓ ମୁକୁନ୍ଦ ମେହେରଙ୍କ ଉପସ୍ଥିତିରେ ଉଦଯାପନି ଉତ୍ସବ ପାଳିତ ହୋଇଥିଲା।
