ବରପାଲି-ବରପାଲି ମହାବିଦ୍ୟାଳୟ ପରିସରରେ ତିନିଦିନିଆ ଜିଲ୍ଲା ସ୍ତରିୟ ଯୁବ ରେଡକ୍ରସ ତାଲିମ ଶିବିର ଉଦଘାଟିତ ହୋଇଯାଇଛି। ଶୁକ୍ରବାର ପୁର୍ବାହ୍ନରେ ମୂଖ୍ୟଅତିଥି ଭାବେ ମହାବିଦ୍ୟାଳୟ ପରିଚାଳନା ସଭାପତି ଡ.ରବିନ୍ଦ୍ର କୁମାର ଗଡତିୟା ରେଡକ୍ରସ ପତାକା ଉତ୍ତୋଳନ ସହ କାର୍ଯ୍ଯକ୍ରମ ଉଦଘାଟନ କରିଥିଲେ। ମହାବିଦ୍ୟାଳୟ ଅଧ୍ୟକ୍ଷା ଜୟନ୍ତୀ ଦାଶଙ୍କ ଅଧ୍ଯକ୍ଷତାରେ ସଭାକାର୍ଯ୍ଯ ପରିଚାଳିତ ହୋଇଥିଲା। ସମ୍ମାନିତ ଅତିଥି ଭାବରେ ଜିଲ୍ଲା ଆବାହକ ଡ.ନକୁଳ ସେଠ,ସୁରେନ୍ର୍ଦ କୁମାର ଦାଶ,ଜିଲ୍ଲାସଂଯୋଜକ ପରମାନନ୍ଦ ରଥ ଓ ଅଧ୍ୟାପକ ଶୁସିଲ କୁମାର ସପପଥି ପ୍ରମୁଖ ଯୋଗ ଦେଇଥିଲେ।
ମହାବିଦ୍ଯାଳୟ ସଂଯୋଜକ ଅଧ୍ଯାପକ ଅଲେଖ ମହାନନ୍ଦଙ୍କ ତତ୍ବାଧାନରେ ଶିବିର କାର୍ଯ୍ଯକ୍ରମ ପରିଚାଳିତ ହୋଇଥିଲା। ଜିଲ୍ଲାର ୫୮ ଗୋଟି ମହାବିଦ୍ୟାଳୟରୁ ଶିକ୍ଷାର୍ଥି ମାନଙ୍କ ସହ ବିଭାଗିୟ ସଂଯୋଜକ ମାନେ ସାମିଲ ହୋଇଛନ୍ତି। ପରେ ବଟାନୀ ଅଧ୍ଯାପକ ଉମାକାନ୍ତ ନାଗ ରେଡକ୍ରସର ଶୃଖଂଳା, ଐତିହର ବିକାଶ,ପ୍ରାଥମିକ ନିତି ନିୟମ,ସେବା ମନୋବୃତ୍ତି ସମ୍ବନ୍ଧରେ ବୁଝାଇଥିଲେ। ପରେ ଅପରାହ୍ନରେ ପି.ନନ୍ଦ ଏଚଆଇଭି,ଏଡସ ଉପରେ ତାଲିମ ଦେଇଥିଲେ।
ସେହିପରି ପ୍ରାଥମିକ ଚିକିତ୍ସା ସେବାକାର୍ଯ୍ଯକୁ ନେଇ ଅଧ୍ଯାପକ ଜେ.ମିଶ୍ର,ଜେ.କେ ସାହୁ ଓ ପି ସି ମିଶ୍ର ପ୍ରମୁଖ ତାଲିମ ପ୍ରଦାନ କରିଥିଲେ। ପରେ ସମସ୍ତ ଶିକ୍ଷାର୍ଥି ମାନଙ୍କୁ ନେଇ ରଚନା,ବକ୍ତବ୍ଯ ଓ ସଂଗିତ ପ୍ରତିଯୋଗିତା ଆୟୋଜିତ ହୋଇଥିଲା। ମହାବିଦ୍ଯାଳୟ ସଂଯୋଜିକା ନତାସା ସିକନ୍ଦର ଧନ୍ୟବାଦ ଅର୍ପଣ କରିଥିଲେ। ପରିଚାଳନାରେ କଲେଜର ଅଧ୍ଯାପକ, ଅଧ୍ଯାପିକା ତଥା କର୍ମଚାରୀ ମାନେ ସହାୟକ ସାଜିଥିଲେ।
