ବରପାଲି-ବରପାଲି ଜଳସମ୍ପଦ ବିଭାଗ ଆନୁକୂଲ୍ୟରେ ପାଣି ପଞ୍ଚାୟତ ପକ୍ଷ ପାଳିତ ହୋଇଯାଇଛି। ସ୍ଥାନୀୟ ଜଳସେଚନ ବିଭାଜନ କାର୍ଯ୍ୟାଳୟ ପରିସରରେ ଆୟୋଜିତ ସମାବେଶରେ ବରପାଲି ଜଳସେଚନ ବିଭାଗ ଅକ୍ଷଣ ଯନ୍ତ୍ରୀ ମଦନ ମୋହନ ସେଠୀଙ୍କ ଅଧ୍ୟକ୍ଷତାରେ କାର୍ଯ୍ଯକ୍ରମ ପରିଚାଳନା ଓ ସ୍ବାଗତ ସହ ଶପଥପାଠ କରାଇଥିଲେ। ବ୍ଲକ ଅଧ୍ଯକ୍ଷା ରୀନା ଥଇତ ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ ହୀରାକୁଦ ଅତିରିକ୍ତ ମୁଖ୍ୟଯନ୍ତ୍ରୀ ବସନ୍ତ କୁମାରସାହୁ, ହଟିକଲଚ ବିଭାଗର ନିହାର କାନ୍ତ ଭୋଇ ଓ କୃଷି ବିଭାଗ ଶୁକଦେବ ମହାରଣା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।
ଲେଣ୍ତା ପଞ୍ଚାୟତ ହାଇସ୍କୁଲ ପ୍ରଧାନ ଶିକ୍ଷୟିତ୍ରୀ ନିବେଦିତା ସ୍ବାଇଁଙ୍କ ସଂଯୋଜନାରେ ସଭାକାର୍ଯ୍ଯ ସଂଚାଳିତ ହୋଇଥିଲା। ଅତିଥିମାନେ ପାଣି ପଞ୍ଚାୟତ ପକ୍ଷ ପାଳନର ଉପକାରିତା ଓ ଜଳସେଚନ ବ୍ୟବସ୍ଥା ସଂପର୍କରେ ଆଲୋକପାତ କରିଥିଲେ। ପରେ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା। ସହକାରୀ ନିର୍ବାହୀ ଯନ୍ତ୍ରୀ ଘନଶ୍ୟାମ ସେଠ ଧନ୍ୟବାଦ ଅର୍ପଣ କରିଥିଲେ।
