ବରପାଲି-ବରଗଡ଼ ଜିଲ୍ଲା ବରପାଲି ବ୍ଳକ କୁମ୍ଭାରୀ ମୁଖ୍ୟ ଡାକ ଅଧିକାରୀ ( ପୋଷ୍ଟ ମାଷ୍ଟର୍) ଘନଶ୍ୟାମ ଦେବତା ଅବସର ଗ୍ରହଣ କରିଛନ୍ତି । ଏହି ଅବସରରେ ବରଗଡ଼ ଜିଲ୍ଲା ମୁଖ୍ୟ ଡାକ ଅଫିସରେ ପୋଷ୍ଟାଲ ସୁପରିଟେଣ୍ଟେଣ୍ଟ ସୁମିତ ଦାଶଙ୍କ ସ୍ୱଭାପତିତ୍ୱରେ ଆୟୋଜିତ ସମ୍ବର୍ଦ୍ଧନା ଉତ୍ସବରେ ବିଦାୟୀ ଶ୍ରୀ ଦେବତାଙ୍କ ଉତ୍ତରୋତ୍ତୋର କାମନା କରିଥିଲେ । ଅନ୍ୟମାନଙ୍କ ମଧ୍ୟରେ ବରଗଡ଼ ଜିଲ୍ଲା ଡାକ ମୁଖ୍ୟ ଅଧିକାରୀ ଏସ୍ ଏନ ପୁରୋହିତ ଉପସ୍ଥିତ ରହି ପୁଷ୍ପଗୁଚ୍ଛ ପୂର୍ବକ ଉତ୍ତରୀୟ ପ୍ରଦାନ କରିଥିଲେ । ସେହିପରି ବରପାଲି ଡାକ ଅଫିସରେ ଡାକ ମୁଖ୍ୟ ଅଧିକାରୀ ଅଶୋକ ପାତ୍ର ୪୫ ବର୍ଷର ଚାକିରୀ ସମୟର ସ୍ମୃତି ବଖାଣି ପରବର୍ତ୍ତୀ କାଳ ଉଜ୍ଜ୍ୱଳମୟ ହେଉ ବୋଲି କାମନା କରିଥିଲେ । ଅନ୍ୟମାନଙ୍କ ମଧ୍ୟରେ ଡାକ ସେବକ ଓ ସମସ୍ତ ଅଧିକାରୀ, କର୍ମୀଚାରୀ ଉପସ୍ଥିତ ଥିଲେ ।