ଗାଇସିଲେଟ-ପିପିପି ହାଇସ୍କୁଲ ବରିହାପୁଖାପାଣିର ପରିଚାଳନା କମିଟିର ପୂର୍ବତନ ସଭାପତି ତଥା ଅବସରପ୍ରାପ୍ତ ଶିକ୍ଷକ ଶ୍ରୀ କ୍ଷମାସାଗର ସାହୁଙ୍କ ଆଜି ପୂର୍ବାହ୍ନରେ ପରଲୋକ ହୋଇଯାଇଛି। ରାୟପୁର ଏକ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ୭୮ ବର୍ଷ ବୟସରେ ତାଙ୍କର ଦେହାନ୍ତ ହୋଇଯାଇଛି ।
ତେଲିପୁଖାପାଣି ବାସିନ୍ଦା ଶ୍ରୀ ସାହୁ ଦୀର୍ଘ ଦିନ ଧରି ତାଲପାଲି, ଜନକେଡା ଆଦି ବିଭିନ୍ନ ପ୍ରାଥମିକ ବିଦ୍ୟାଳୟଗୁଡ଼ିକରେ ଜଣେ ଆଦର୍ଶ ଶିକ୍ଷକ ରୂପେ କାମ କରି ଅନେକ କୃତୀ ଛାତ୍ରଛାତ୍ରୀ ସୃଷ୍ଟି କରିପାରିଛନ୍ତି । ଏହା ସହିତ ସ୍ଥାନୀୟ ପିପିପି ହାଇସ୍କୁଲର ଖେଳ ପଡ଼ିଆ ପାଇଁ ଆବଶ୍ୟକ ଭୂମିଦାନ କରିବା ସହ ଏହି ବିଦ୍ୟାଳୟରେ ଅନେକ ବର୍ଷଧରି ପରିଚାଳନା କମିଟିର ସଭାପତି ଦାୟିତ୍ୱରେ ରହି ବିଦ୍ୟାଳୟର ଅନେକ ଉନ୍ନୟନ ମୂଳକ କାର୍ଯ୍ୟ କରିଛନ୍ତି ଓ ଶିକ୍ଷକ କର୍ମଚାରୀଙ୍କୁ ଦିଗଦର୍ଶନ ଦେଇଛନ୍ତି।
ଆଜି ତାଙ୍କର ଦେହାନ୍ତ ଖବରପାଇ ତାଲପାଲି , ଜେନକେଡା , ପିପିପି ହାଇସ୍କୁଲ ଆଦି ବିଦ୍ୟାଳୟରେ ସମସ୍ତ ଛାତ୍ରଛାତ୍ରୀ ଓ ଶିକ୍ଷକ କର୍ମଚାରୀଙ୍କ ମଧ୍ୟରେ ଏକ ଶୋକାକୁଳ ପରିବେଶ ସୃଷ୍ଟି ହେଲା। ପରେ ଏକ ଶୋକସଭା ଅନୁଷ୍ଠିତ କରି ନିରବ ପ୍ରାର୍ଥନା କରାଯାଇଥିଲା ଓ ବିଦ୍ୟାଳୟର ଶିକ୍ଷାଦାନ ମଧ୍ୟାହ୍ନ ଭୋଜନ ବିରତି ପରେ ବନ୍ଦ ଘୋଷଣା କରାଯାଇଥିଲା।
