ବରପାଲି – ବରପାଲି ଜଗନ୍ନାଥ ନଗର ଡା. ସୁବଳ ଚନ୍ର୍ଦ ମାଝୀଙ୍କ ଧର୍ମପତ୍ନୀ ସତ୍ୟଭାମା ମାଝୀ ୭୬ବର୍ଷ ବୟଷରେ ଦେହାନ୍ତ ହୋଇଯାଇଛି। ସ୍ଥାନିୟ ଏକ ଘରୋଇ ନସିଂ ହୋମରେ ହୃଦ୍ଘାତରେ ପିଡିତ ହୋଇ ଚିକିତ୍ସିତ ହେଉଥିବା ବେଳେ ପରଲୋକ ଗମନ କରିଥିଲେ। ଜଣେ ଧର୍ମପରାୟଣା ଓ ପରୋପକାରୀ ମହିଳା ଭାବରେ ସଭିଙ୍କ ନିକଟରେ ଅତ୍ଯନ୍ତ ପ୍ରିୟ ରହିଥିଲେ ।
ଶ୍ରୀମା ଅରବିନ୍ଦଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ସ୍ଵର୍ଗୀୟା ମାଝୀ ବିଭିନ୍ନ ଧାର୍ମିକ ସମାଜସେବା କାର୍ଯ୍ୟରେ ନିଜକୁ ସାମିଲ ରଖିଥିଲେ। ତାଙ୍କର ନିଜ ଗ୍ରାମ ସୁବର୍ଣ୍ଣପୁର ଜିଲ୍ଲା ଟାଙ୍ଗର କର୍ଲେରେ ରହିଥିବା ସ୍ଵପ୍ନେଶ୍ବର ଶିବ ମନ୍ଦିରର ପ୍ରତିଷ୍ଠାତା ସଦସ୍ୟା ଭାବରେ ତାଙ୍କର ସମସ୍ତଙ୍କ ପ୍ରିୟ ରହିଥିଲେ। ବିୟୋଗ ଖବର ପାଇ ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ ।
ପୈତୃକ ଗ୍ରାମ ଟାଙ୍ଗରକର୍ଲେରେ ତାଙ୍କର ଶେଷକୃତ୍ୟ ସମ୍ପର୍ଣ୍ଣ ହୋଇଥିଲା। ତିଙ୍କ ବଡ଼ ପୁଅ ଆର୍ଯ୍ୟପ୍ରକାଶ ମାଝି ମୁଖାଗ୍ନି ଦେଇଥିବା ବେଳେ ପରିବାର ଲୋକଙ୍କ ସହ ସ୍ବାମୀ ଡା.ମାଝି,୨ ପୁଅ,ପୁତ୍ରବଧୁ ମାନଙ୍କ ସମେତ ଝିଅ, ଜ୍ବାଇଁ, ନାତି ନାତୁଣୀ ବନ୍ଧୁବାନ୍ଧବଙ୍କ ଗହଣରେ ତାଙ୍କର ଅନ୍ତିମ ବିଦାୟୀ ଶୋଭାଯାତ୍ରା ବାହାରିଥିଲା। ବିୟୋଗ ଖବର ପ୍ରାସାରିତ ହେଲା ପରେ ବହୁ ମାନ୍ୟଗଣ୍ୟ ବ୍ୟକ୍ତି ଓ ବୁଦ୍ଧିଜିବୀ ଧାର୍ମିକ ବ୍ଯକ୍ତିବିଶେଷ ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ ।
