ଗାଇସିଲେଟ-ବରଗଡ଼ ଜିଲ୍ଲା ଗାଇସିଲେଟ ବ୍ଲକ କଟାବାହାଲ ଗ୍ରାମପଞ୍ଚାୟତ ଅନ୍ତର୍ଗତ ପରମାନନ୍ଦପୁର ସ୍ଥିତ ଉଚ୍ଚ ପ୍ରାଥମିକ ବିଦ୍ୟାଳୟ ରେ ଆଜି ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ରାଜକୁମାର ସାହୁଙ୍କ ସଭାପତିତ୍ବ ରେ ସହକାରୀ ଶିକ୍ଷକ ଶ୍ରୀଯୁକ୍ତ ଦୁର୍ଲ୍ଲଭ ସାଙ୍କ ଉଦ୍ଧେଶ୍ୟରେ ଅବସର କାଳୀନ ବିଦାୟୀ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ସମାଜସେବୀ ସୁଶାନ୍ତ ପଣ୍ଡା ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ପ୍ରଶାନ୍ତ କୁମାର ଦୀପ,ଦଶରଥ ବରିହା ପ୍ରଧାନ ଶିକ୍ଷକ ଉଚ୍ଚ ପ୍ରାଥମିକ ବିଦ୍ୟାଳୟ କୁଲିଆରୀ,

ପ୍ରମୋଦ କୁମାର ବଢେଇ ସହକାରୀ ଶିକ୍ଷକ ପ୍ରାଥମିକ ବିଦ୍ୟାଳୟ ଜୁବାଖୋଲ, ଜବାହାରଲାଲ ବରିହା ପ୍ରଧାନ ଶିକ୍ଷକ ଏବଂ ସରୋଜ ସାହୁ ସହକାରୀ ଶିକ୍ଷକ ଉଚ୍ଚ ପ୍ରାଥମିକ ବିଦ୍ୟାଳୟ ସେମେଲମୁଣ୍ଡା ଯୋଗ ଦେଇଥିବା ବେଳେ ୱାର୍ଡ ସଭ୍ୟା ସୂର୍ଯ୍ୟ କାନ୍ତି ବିଭାର ସ୍କୁଲ ପରିଚାଳନା କମିଟି ସଭାପତି ଇନ୍ଦ୍ରମଣି ମାଝି,ସଦସ୍ୟ ରାଜେନ୍ଦ୍ର ବଢେଇ,ଫକୀର ଛେ଼ଛୁଆଁ,ବିଳାସିନୀ ବରିହା,ତ୍ରିଲୋଚନ ବରିହା,ସୂର୍ଯ୍ୟକାନ୍ତି ବିଶ୍ଵାଳ,ଯଶୋବନ୍ତି ବଢିଆ ପ୍ରମୁଖ ଉପସ୍ଥିତ ଥିଲେ ।

ବିଦାୟୀ ପ୍ରଧାନ ଶିକ୍ଷକଙ୍କୁ ଅତିଥି ମାନେ ନିଜ ନିଜ ଅଭିଭାଷଣ ମାଧ୍ୟମରେ ଅନୁଷ୍ଠାନ ପ୍ରେମୀ,ଛାତ୍ର ବତ୍ସଳ, ସମୟାନୁ ବର୍ତିତା,ପ୍ରଧାନ ସେବକ,କର୍ମ ନିଷ୍ଠା, ବୋଲି କହିଥିଲେ । ଏହି ସମ୍ବର୍ଦ୍ଧନା ସଭାରେ ପ୍ରଥମେ ମୁଖ୍ୟ ଅତିଥି ବିଦ୍ୟାଦାତ୍ରୀ ମା ସରସ୍ବତୀ ଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ଦେଇ ପ୍ରଦୀପ ପ୍ରଜ୍ବଳନ କରିଥିଲେ । ପ୍ରଧାନ ଶିକ୍ଷକ ମାଧବ ବରିହା ଏହି କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ଗ୍ରାମର ବରିଷ୍ଠ ନାଗରିକ ରାଧେଶ୍ୟାମ ଭୋଇ ଧନ୍ୟବାଦ ଅର୍ପଣ କରିଥିଲେ ।

ଶ୍ରୀଯୁକ୍ତ ସାହୁ ନିଜର ଶିକ୍ଷକ ଜୀବନ ୦୩/୦୧/୧୯୮୫ ରୁ ପ୍ରଥମେ ହଲନକନାସି ରେ ଯୋଗ ଦେଇଥିବା ବେଳେ ପରେ ଜନକେଡା, ଖୁଣ୍ଟପାଲି ପ୍ରାଥମିକ ବିଦ୍ୟାଳୟ ଏବଂ ୧୬/୦୮/୨୦୦୨ ରୁ ୩୧/୦୩/୨୦୨୫ ଦୀର୍ଘ ୨୩ ବର୍ଷ ପରମାନନ୍ଦପୁର ଗ୍ରାମରେ ଶିକ୍ଷକତା କରି ପରମାନନ୍ଦପୁର ଉଚ୍ଚ ପ୍ରାଥମିକ ବିଦ୍ୟାଳୟ ରୁ ଅବସର ନେଇଥିଲେ । ଏହି ଅବସରରେ ବିଦ୍ୟାଳୟ ର ଛାତ୍ରଛାତ୍ରୀ, ଶିକ୍ଷକ ଶିକ୍ଷୟତ୍ରୀ, ଗ୍ରାମବାସୀ ତାଙ୍କୁ ବିଦ୍ୟାଳୟ ରୁ ଏକ ବିରାଟ ପଟୁଆରରେ ବାଜା ବଜାଇ ନାଚ ଗୀତ ସହ ପରମାନନ୍ଦପୁର ଗ୍ରାମ ପରିକ୍ରମା କରି ଶେଷରେ ତାଲପାଲି ସ୍ଥିତ ନିଜ ବାସଭବନରେ ତାଙ୍କୁ ଛାଡି ଆସିଥିଲେ ।


